Azaroaren 21 eta 22an, Finpiemontek Turinen egingo du MANUMIX Interreg Europe proiektuko bazkideen arteko nazioarteko bigarren topaketa; bertan Innobasquek hartuko du parte, bertako liderra eta bazkidea baita. MANUMIX Interreg Europe proiektuaren helburua Europako eskualdeetan fabrikazio aurreratua egiteko berrikuntza-politiken konbinazioa aztertzea da, manufaktura aurreratuaren sektorean eraginkortasuna indartzeko eta hobetzeko helburuarekin.
Proiektuak sistemen gaineko esperientziak alderatzeko eta trukatzeko aukera eskaintzen du. Sektorea RIS3 Espezializazio Adimentsuko Estrategiaren lehentasunetako baten moduan identifikatu duten Europako zenbait eskualderen artean fabrikazio aurreratuko politikak monitorizatu eta ebaluatzea da helburua.
Bigarren topaketa hau, bazkideak diren eskualdeetako ordezkariek parte hartuko dutena: Lituania, Euskadi, Gales eta Piemonte, erabakiak hartzeko ebaluazioan eta erabakitzeko eta kudeatzeko maila desberdinetan fabrikazio aurreratua babesteko neurriak optimizatzeko moduan oinarrituko da.
Bileretan eta elkarrizketetan igarotako bi egunetan azterketa-bisitaldia egingo zaie Piemonteko manufaktura-enpresa garrantzitsuei, Mesap Poloarekin (Produktu adimentsuak eta fabrikazioa) elkarlanean antolatuta. Zehazki, azaroaren 21eko arratsaldean, Euskadiko, Lituaniako eta Galeseko bazkideek hauek bisitatu ahal izango dituzte: Prima Industrie, aplikazio industrialetarako, txapa eta elektronika industrialerako eta laser-iturrietarako Europako liderra; IRIS, Pmi innovador, teknologia-transferentzian, eta laser eta plasmako teknologiako aplikazio berritzaileen garapenean espezializatuta, eta SPEA, elektronikako probako sistemetan liderra.
Bilera esperientziak trukatzeko eta fabrikazio-sistema aurreraturako eskualdeko politikak aberasteko aukera izango da. Gainera, Piemonteko industriaren ikuspegi orokorra eskainiko dio gizarteari, enpresa industrial handiekin eta bikaintasuneko enpresa txiki eta ertainekin bilerak sustatuz.
MANUMIX Interreg Europe proiektua Interreg Europe eskualde arteko lankidetza-programak finantzatzen du, Eskualde Garapeneko Europako Funtsak kofinantzatuta (EGEF 2014-2020).
