Gure berrikuntza-agenda Innobasque Berrikuntzaren Euskal Agentzia osatzen duten erakunde bazkideen sarerako ekitaldi, jardunaldi, sari eta laguntza-deialdiekin elikatzen da, eta berrikuntzaren mugarri nagusiak erakusten ditu.
Esteka honetan agertzen den txostenak I+G-ra eta berrikuntzara bideratutako Europako, Espainiako eta Euskadiko laguntzak jasotzen ditu.
BERDEAGO ERAGINKORTASUN ENERGETIKOARI ETA IRAUNKORTASUNARI BURUZKO AZOKA BIRTUAL IRAUNKORRA
Gune birtual iraunkorra urteko 365 egunetan egongo da zabalik. Horrela, espazio- eta denbora-muga gabeko topagunea izango da profesional eta partikular interesdun guztientzat Pixkanaka, aurkezle gehiago etorri eta ekitaldi berriak antolatuko dira, hala nola topaketa teknikoak, mahai-inguruak, aurkezpenak, hitzaldiak… Berri guztiak jakinaraziko ditugu unean-unean.
Antolatzailea: Berdeago, Europako Iraunkortasunerako Elkartea
Maiatzaren 4tik 7ra
Donostiako Sustapenak hiru web-mintegi egingo ditu aste honetan. Honako gai hauek jorratuko dira: berrikuntzaren mundua, merkataritza eta ekintzaileentzako laguntzak.
Maiatzaren 4an, 10:30ean, egingo da “Nola deskribatu zure dendako produktuak sarean: pentsatu bezeroan eta SEOan” web-mintegia, dendei zuzenduta dagoena.
Maiatzaren 6an, 9:30ean, “Ekonomia zirkularrerako trantsizioa eta tresna digitalak” web-mintegia egingo da, produkzio- eta zerbitzu-enpresei zuzenduta dagoena.
Maiatzaren 7an, 12:30ean, “Lanbideren laguntzak pertsona ekintzaileentzat” web-mintegia egingo da, langabezian dauden ekintzaileei zuzenduta dagoena.
Antolatzailea: Donostiako Sustapena
Maiatzak 7
WEB-MINTEGIA: ZAINTZATIK PROSPEKTIBARA: ETORKIZUNA SORTUZ
Saioan zehar, Innobasqueren “Zaintzatik Prospektibara” ekimenaren ikuspegi orokorra eta parte hartu nahi duten erakundeei eskaintzen zaizkien aukerak partekatuko ditugu. Horretaz aparte, Tekniker, Tecnalia eta Prospektikerren esperientziak ditugu, parkeen eta Innobasqueren aditu-sareen hiru erreferente direnak. Halaber, aditu horiek erakundeak beren zaintza-prozesuetan trebatzen eta laguntzen ari dira, ekimen honetako kide diren aldetik.
Antolatzailea: Innobasque Berrikuntzaren Euskal Agentzia eta Euskadiko Teknologia Parkeen Sarea
ADIMEN ARTIFIZIALAREN ARLOKO PRESTAKUNTZA SUSTATZEKO “AA ELEMENTUAK” SAREKO IKASTAROA
Xedea da Espainiako herritarrek AAri buruz duten ezagutza-maila handitzea, sarean egiten den doako ikastaro baten bidez, herritar guztientzat zabalik dagoena. Halaber, ikastaro horri esker, 170 herrialdetako 650.000 pertsonak baino gehiagok jaso dute prestakuntza. Ikastaroa gaztelaniara itzuli da Europako Batzordearen laguntzari esker.
Antolatzailea: Espainiako Gobernua
DONOSTIA SUSTAINABILITY FORUMen BIGARREN EDIZIOA
Donostia Sustainability Forum iraunkortasunari buruz hausnartzeko eta eztabaidatzeko zabalik dagoen plataforma da, diziplina arteko ikuspegia duena.
Antolatzailea: UPV/EHUren udako ikastaroak
Maiatzak 8
FIRST LEGO LEAGUE EUSKADIREN 12. FINALA
10 eta 16 urte arteko zenbait euskal ikasleek FIRST LEGO League Euskadin parte hartuko dute. FIRST LEGO League zientzia eta teknologia gazteei modu dibertigarrian eta erronka tematiko baten bidez hurbiltzen dien hezkuntza-programa da, eta erronka hori berbera da munduko herrialde guztietan. Aurten, proposamena da jolasa eta kirola berrasmatzea, gizarte aktiboagoa sustatzeko. Finala aldi berean egingo da hiru egoitzetan: Deustu (Bilbo), Donostia eta Arrasate. Halaber, horietako bakoitzean, bost eskola-taldek epaimahaiaren aurrean aurkeztuko dute egindako lana, betiere segurtasun-neurri guztiak mantenduta: burbuila-taldeak, beste taldeekin kontaktua ekiditea, etab. Aurtengo berritasuna, egoera kontuan hartuta, honako hau da: ez da ikuslerik egongo. Horregatik, programa bat emango da Twitch streaming plataformaren bidez denboraldi honetako FIRST LEGO Leagueri buruz. Horren bidez, zuzenean iragarriko dira talde irabazleak eta estatuko finalera joango diren sei taldeak.
Antolatzaileak: Berrikuntzaren Euskal Agentzia (Innobasque), Deustuko Unibertsitatea, Donostiako Sustapena eta Mondragon Unibertsitatea
Maiatzaren 21era arte
ELGAren 2021eko GOBERNU-BERRIKUNTZEN DEIALDIA
ELGAK proiektu eta ekimen berritzaileak ezagutu nahi ditu, bai handiak, bai txikiak. Horien bidez, hainbat jurisdikziotako gobernuak elkartuko dira, elkarlanean aritzeko eta berritzeko. Edizio hau, zehazki, gobernua mugaz gaindiko lankidetzaren bidez berritzen ari den moduetan oinarritzen da. Adibidez, hainbat herrialde, eskualde edo hiri batera lan egiten ari dira modu berri eta interesgarrietan erronka erkideak ebazteko. Horretaz aparte, hainbat gobernu lankidetzan ari dira politika eta zerbitzu berriak lortzeko.
Antolatzaileak: ELGAren Sektore Publikoko Berrikuntzaren Behatokia eta Arabiar Emirerri Batuetako Gobernu Berrikuntzarako Mohammed Bin Rashid Zentroa
Maiatzaren 4tik 27ra
INNOBIDEAK PRESTAKUNTZA IKASTAROAK,LEHIAKORTASUNARI ETA BERRIKUNTZARI BURUZ
SPRI taldeak, Eusko Jaurlaritzarekin batera, berrikuntzarekin zerikusia duten web-mintegi batzuk antolatu ditu hilabete honetan zehar.
Maiatzaren 4an: Emaitzak. Lehiakortasuna emaitza ekonomikoetatik harago.
Maiatzaren 6an: Gizartea. Konpromisoa gizartearekin, enpresa herritar eredugarri gisa.
Maiatzaren 11n: Taldeak. Talde-lanari buruzko mitoak eta errealitateak.
Maiatzaren 13an: Negozio-eredua. Negozio-ereduaren berrikuntza arrakastaren gako gisa.
Maiatzaren 18an: Jabetza industriala eta intelektuala. Jabetza intelektualaren kudeaketa aktiboa abantaila gisa lehiakortasunean.
Maiatzaren 20an: Etengabeko hobekuntza. Enpresa orientatzea etengabeko hobekuntzarantz.
Maiatzaren 25ean: Negoziazioa. Negoziatzea, arazoak konpontzea eta emaitzak hobetzea.
Maiatzaren 27an: Talentua. Talentua bilatu eta mantentzea.
Antolatzailea: SPRI
4 de mayo
PERTSONEN BERRIKUNTZAREN HILABETEA. NOLA ERAKARRI TALENTUA SAIAKERAN HIL GABE. IKASI ZURE EMPLOYER BRANDINGa POTENTZIATZEN”.
Garaia Teknologia Parkea pertsonen berrikuntza-agertoki bihurtu da berriz ere. Bertan, hainbat profesionalek, hainbat diziplinatatik, tresnak, hausnarketa eta irtenbide praktikoak proposatuko dituzte erakundeok bizi ditugun egoeretarako, pertsonen kudeaketari, talentuari, adimen emozionalari eta lidergoari dagokienez. Maiatzean, asteartero, talentuaren kudeaketari, adimen emozionalari eta pertsonen eta erakundeen eraldaketa kulturalari lotutako jardunaldiak eta tailerrak egingo dituzte, hainbat ikuspegitatik.
Amaia Munuera (WeBring) izango da lehen parte-hartzailea, jardunaldi honekin: “Cómo atraer talento y no morir en el intento. Descubre cómo potencial tu employer branding” (Nola erakarri talentua saiakeran hil gabe. Ikasi zure employer branding potentziatzen). Amaiak Employer Branding delakoa jorratzen lagunduko du talentua erakartzeko gaitasuna hobetzeko, erreklutamendu-kostuak murriztuz eta enplegatuen konpromisoa areagotuz.
Antolatzailea: Garaia Teknologia Parkea
Maiatzak 5
Horizon Europe Europar Batasunaren I+G Esparru Programa berriaren 3. klusterraren (“Gizartearentzako Segurtasun Zibila”) 2021eko lan-programa aurkezteko jardunaldia. Jardunaldia online egingo da 2021eko maiatzaren 5ean, eta, ondoren, b2b jardunaldi batzuk egingo dira maiatzaren 5ean eta 6an. Jardunaldiaren helburua da Horizon Europeren gizartearentzako segurtasun zibilaren gaiaren lehen deialdiak aurkeztea, bai eta programan eta parte hartzeko arauetan dauden berritasunen berri ematea ere. Proposamena berrikusteko bilera bat eska daiteke gaiaren inguruko harremanetarako gune nazionalekin. Eskatzen diren heinean programatuko dira bilera horiek, eskatzaile bakoitzari jakinaraziko zaion egunean eta orduan.
Antolatzailea: CDTI
Maiatzak 6
ARABAKO INDUSTRIARENTZAKO BERRIKUNTZA JASANGARRIRAKO AUKEREN JARDUNALDIA
Arabako Foru Aldundiak, 2018. urtean, Garapen Jasangarriagatiko Arabako Aliantza 2030 (AADS 2030) sortzea bultzatu zuen. Aliantza horrek ikusgarritasuna eskaintzen du eta Arabako hainbat eragilek garapen jasangarriaren alde eta lurralde gisa aurrera egiteko ahaleginak batzeko hartutako konpromisoa eta egindako lana aitortzen ditu. Esparru horretan egingo da Ramiro Gonzalez Arabako ahaldun nagusiak inauguratuko duen jardunaldi hau. Bertan, Luis Manero Innobasque Berrikuntzaren Euskal Agentziako Enpresa Berrikuntzako zuzendariak eta Jon Kepa Izaguirre A&B Laboratorios de Biotecnología enpresako Kalitate eta I+G+b zuzendariak Innobasqueko berrikuntza-profilek ETE-entzat dituzten onurak azalduko dituzte. Jardunaldian izena emateko, honako inprimaki hau bete behar da: hemen.
Antolatzailea: Arabako Foru Aldundia
Maiatzak 7
WEB-MINTEGIA: BASQUE ENVIRONMENT 4.0.INGURUMEN-SEKTOREAN APLIKATUTAKO TEKNOLOGIA BERRIAK
Europako Itun Berdea funtsezko elementua da kontinentean igorpenen neutraltasuna lortzeko, ekonomia zirkularra garatzeko eta garapen jasangarria sustatzeko. Ez dago zalantzarik Europak ekonomia deskarbonizatzeko egin duen apustuari buruz; hala ere, hori lortzeko bide eraginkorrena definitu behar da. Gaur egun, mundua eraldatzen ari diren bi iraultza daude: iraultza digitala eta trantsizio ekologikoa. Trantsizio hori bultzatzeko ekintzen sinkronia egokia izan daiteke gure gizartearen etorkizuna bermatzeko metodorik eraginkorrena, ingurumenaren babesa optimizatuz eta guztiontzako hazkunde ekonomiko iraunkorra lortuz. Honako hauek hartuko dute parte: Estibaliz Hernaez Eusko Jaurlaritzako Teknologia, Berrikuntza eta Eraldaketa Digitalaren sailburuordea; Marta Batalla, Europako Batzordeko Teknologia Aurreratuetako, Klusterretako eta Ekonomiako Policy Officer, eta Leyre Madariaga, Eusko Jaurlaritzako Eraldaketa Digitala eta Ekintzailetzako zuzendaria, besteak beste.
Antolatzailea: Aclima
“ZAINTZATIK PROSPEKTIBARA: ETORKIZUNA SORTZEN” WEB-MINTEGIA
Erakundeek dauzkaten zaintza-, adimen- eta prospektiba-aukerei buruzko sentsibilizazio-saioa, parkeetako erakundeentzat soilik. Ostiralean, maiatzaren 7an, egingo dugu, 09:30ean, web-mintegi formatuan. Saioan zehar, Innobasquen “Zaintzatik Prospektibara” ekimenaren ikuspegi orokorra eta parte hartu nahi duten erakundeei eskainiko zaizkien aukerak partekatuko ditugu. Horretaz aparte, Tekniker, Tecnalia eta Prospektikerrem esperientziak ditugu, parkeen eta Innobasqueren aditu-sareen hiru erreferente direnak. Halaber, aditu horiek erakundeak beren zaintza-prozesuetan trebatzen eta laguntzen ari dira, ekimen honetako kide diren aldetik.
Antolatzailea: Euskadiko Teknologia Parkeen Sarea eta Innobasque Berrikuntzaren Euskal Agentzia
Maiatzaren 9ra arte
BBK OPEN SCIENCE FEST 2021 EKIMENERAKO DEIALDIA
Lehenengo aldiz, zientzia irekiko eta komunitarioko nazioarteko topaketa egingo da, parte hartzeko zabalik dagoen deialdi baten bidez. Mundu-mailako joerek edizio honetan tokia izango dute. Horien artean, nabarmentzekoak dira Do It Yourself biologia, herritarren edo komunitateko zientzia, berrikuntza soziala, bioartea, biodiseinua edo naturalismo digitala. Jaialdi honetan proposamenak aurkezteko, beharrezkoa da ideia originala, prozesuan dagoen lana edo jaialdiaren baloreekin eta espirituarekin bat egiten duen amaitutako proiektu bat izatea. Nork har dezake parte? Zientziarekiko duen pasioa partekatu nahi duen pertsona orok. Horretarako, honako hauetako bat aurkeztu beharko du: hezkuntza-jarduera berritzailea, praktika esperimentala, ikerketa-proiektua, gure osasuna edo ingurumenarena hobetzea bilatzen duen jarduera, arte-sorkuntza, etab.
Antolatzailea: BBK Kuna
Maiatzak 11
PERTSONEN BERRIKUNTZAREN HILABETEA. NOLA GIDATU BALIO PARTEKATUEKIN SUSTATUTAKO ERAKUNDEAK?
Garaia Teknologia Parkea pertsonen berrikuntza-agertoki bihurtu da berriz ere. Bertan, hainbat profesionalek, hainbat diziplinatatik, tresnak, hausnarketa eta irtenbide praktikoak proposatuko dituzte erakundeok bizi ditugun egoeretarako, pertsonen kudeaketari, talentuari, adimen emozionalari eta lidergoari dagokienez. Maiatzean, asteartero, talentuaren kudeaketari, adimen emozionalari eta pertsonen eta erakundeen eraldaketa kulturalari lotutako jardunaldiak eta tailerrak egingo dituzte, hainbat ikuspegitatik. EQUILIAk, Judith Castillo kide sortzaile, aholkulari eta eraldaketa kulturaleko eta estrategia-kultura integrazioko coacharen bitartez, tresnak proposatzen dizkigu erakunde baten balioak (kultura) ukigarri egiteko, erakundearen eboluziorako mapa bat marrazten dutenak: : “¿Cómo liderar organizaciones impulsadas por valores compartidos?” (Nola gidatu balio partekatuekin sustatutako erakundeak?).
Antolatzailea: Garaia Teknologia Parkea
Maiatzak 12
CDTIren ONLINE INFODAY HORIZON EUROPEREN 5. KLUSTERRARI BURUZ: KLIMA, ENERGIA ETA MUGIKORTASUNA”
Horizon Europe Europar Batasunaren I+G Esparru Programa berriaren 3. klusterraren (“Klima, Energia eta Mugikortasuna”) 2021-2022 aldiko lan-programa aurkezteko jardunaldia. Jardunaldiaren helburua da Horizon Europeren Klima, Energia eta Mugikortasuna gaien lehen deialdiak aurkeztea, bai eta proposamenen txantiloietako berrikuntzen eta parte hartzeko arauetan dauden berritasunen berri ematea ere. Proposamena berrikusteko eskatu ahal da.
Antolatzailea: CDTI
Maiatzak 13
JARDUNALDIA: “JOLAS-GIDALERROAK BEZEROAREN ESPERIENTZIA OPTIMIZATZEKO”
Erabiltzaileak tartean sartzeko eta arazoak konpontzeko jokoan eta jokoaren mekaniketan pentsatzeko prozesua gero eta gehiago zabaltzen ari den atzemate- eta atxikitze-teknika da, eta negozio digitaletarako marketin-estrategiak jorratzen dituzte. Gizakiak berezko duen lehia-espiritua baliatzen du, lan zehatz batzuk girotzeko eta errazteko, eta, horrela, erabiltzaileak fidelizatzeko. Alde horretatik, Miguel Zorraquinok eta Iñaki Lecuek aurkeztuko dituzte gamifikazio-gidalerro nagusiak, honako kategoria hauen bitartez: jokoaren gidalerroak, onboarding, seinaleztapena, gaiak, narratiba, garaipenak, misioak, mailak edo sailkapena, besteak beste. Horiek lagundu egingo digute jakiten nola egituratu jokoak diseinatzeko prozesu dinamiko bat gure bezeroekin harremanetan jartzeko. Saioaren xedea da produktu digital parte-hartzaileak, dibertigarriak eta fidelizatzaileak sortzeko irizpideak identifikatzea, egun hainbat sektoretan aplikatzen ari diren jolas-gidalerroen bitartez. Horrela, parte-hartzaileak inspiratu daitezke eta ohiko konpainia-jardunbideak gogoan hartu ditzakete.
Antolatzailea: Zorraquino
HIGIEZINEN SEKTOREKO AUKERA DIGITALEI BURUZKO WEB-MINTEGIA
Higiezinen sektorearen jardueran susperraldi txiki bat sumatzen hasi den arren, egungo egoera soziosanitarioaren ondorioz sortu diren joera berriei begira adi egon behar dugu. Nahiz eta estrategia digitalen erabileraren garrantzia agerian geratu zen COVID aurreko aroan, egungo egoeraren ondorioz, sektorean diharduten enpresek online estrategia indartu behar dute. LIN3Sk higiezinen sektorean duen esperientzia partekatu nahi du, eta, gainera, 3 arrakasta-kasu aurkeztuko ditu: Kategora, Jaureguizar eta CBRE España.
Antolatzailea: Lin3s
Maiatzak 13 eta 14; azaroak 17, 18 eta 19
BITARTEKARITZA-BILERA (BROKERAGE EVENT) @SMART MANUFACTURING MATCHMAKING 2021
Teknologia digitalei eta industrialei buruzko sareko bilera bi saiotan egingo da: lehena maiatzaren 13an eta 14an, eta bigarrena azaroaren 17an, 18an eta 19an.
Antolatzaileak: Innobasque, Enterprise Europe Network sarearen bitartez, SPIN – Business Innovation Support erakundearekin lankidetzan
Maiatzak 14
WEB-MINTEGIA: ZAINTZA PROSPEKTIBOA BILBAO METROPOLI 30ekin
Idoia Postigo Bilbao Metropoli 30eko zuzendariordeak azalduko du nola egiten duen zaintza lehiakorra eta prospektiboa bere erakundeak.
Antolatzaileak: Innobasque Berrikuntzaren Euskal Agentzia eta BM30
Maiatzaren 15era arte
BURDINOLA IKERKETA-SARIAREN XVIII. EDIZIOA
Burdinola Ikerketa Saria erreferentzia bat da ikerketaren profesionalen artean, eta haren irabazleen zerrendan Espainiako jarduera zientifikoko izen handiak agertzen dira. Edizio honetarako aukeratutako gaia Nanomedikuntza da: nanodiagnostikoa, medikuntza birsortzailea eta terapia pertsonalizatua. Hautagaitzak aurkezteko azken eguna maiatzaren 15a izango da, eta ekainaren 15a baino lehen ezagutuko da epaimahaiaren erabakia, Burdinola Ikerketa Sariaren XVIII. edizioaren irabazlearen izenarekin.
Antolatzailea: Burdinola
Maiatzak 17-21
MURCIA FOOD BROKERAGE EVENT 2021-ELIKADURAKO NAZIOARTEKO TEKNOLOGIAREN TRANSFERENTZIA-JARDUNALDIA
Ekitaldi birtuala, 2021eko maiatzaren 17tik 21era. “Murcia Food Brokerage Event 2021” Elikadurako Nazioarteko Teknologiaren Transferentzia Jardunaldien X. edizioa nazioarteko ekitaldia da, non elikadurako teknologiaren arloko berrikuntzak aurkeztuko diren. Bertan, hainbat herrialdetako enpresek aldebiko bilerak izango dituzte sektoreko azken berrikuntzekin lotutako lankidetza teknologikoko akordioak finkatzeko. Egungo osasun-egoeraren ondorioz, aurtengo edizioa formatu birtualean egingo da. Horrekin batera, “Elikadurako Teknologiari buruzko X. Nazioarteko Sinposioa” egingo da, eta topaketa horretan sektoreko azken berrikuntzen konferentziak eta aurkezpenak egingo dira. Parte-hartzea doakoa da, eta Europa osoko enpresek, unibertsitateek, zentro teknologikoek eta ikerketa-institutuek hartu dezakete parte, elikadura-teknologia aurreratu eta berritzaileak eskaini edo eskatzen badituzte.
Antolatzaileak: Murtziako Erkidegoa eta Enterprise Europe Network
Maiatzak 18
PERTSONEN BERRIKUNTZAREN HILABETEA. ERALDAKETA-LIDERGOAREN 5 ARDATZAK
Garaia Teknologia Parkea pertsonen berrikuntza-agertoki bihurtu da berriz ere. Bertan, hainbat profesionalek, hainbat diziplinatatik, tresnak, hausnarketa eta irtenbide praktikoak proposatuko dituzte erakundeok bizi ditugun egoeretarako, pertsonen kudeaketari, talentuari, adimen emozionalari eta lidergoari dagokienez. Maiatzean, asteartero, talentuaren kudeaketari, adimen emozionalari eta pertsonen eta erakundeen eraldaketa kulturalari lotutako jardunaldiak eta tailerrak egingo dituzte, hainbat ikuspegitatik. KRUCE enpresako Alaitz Osa eta Romu Arteche sortzaileek, “Los 5 ejes del liderazgo transformacional” (Eraldaketa-lidegoaren 5 ardatzak) jardunaldiaren bidez, bost ardatzak planteatuko dituzte: enpatizatu, inspiratu, eragin, hazi eta eraldatu. Lider batek horiek guztiak hartu behar ditu kontuan.
Antolatzailea: Garaia Teknologia Parkea
Maiatzak 25
WEB-MINTEGIA: COVID-19tik ATERATZEN. TRANTSIZIO BERDEA: SUSPERRALDI JUSTUA ETA ZUZENA
COVID-19aren krisiak desberdintasunaren eta ingurumenaren degradazioaren erronka bikoitzari aurre egiteko premia handitu du. Gobernuek COVID-19tik berreskuratzeko prozesuaren erdigunean trantsizio ekologikoa jarri dutenez, funtsezkoa da ingurumenaren degradazioa lantzen duten etorkizuneko politikak ingurumenean eta pertsonetan oinarrituta egotea. Hori bereziki garrantzitsua da giza kapitalean inbertitzeko; lan-merkatuko politika aktiboen, ondo orientatutako diru-sarreren neurrien eta lan-birkokapena errazteko gaitasunaren hobekuntzaren bidez. Web-mintegi honetan eztabaidatuko da gobernuek nola aplika ditzaketen politikak trantsizio ekologiko baten kostuak modu uniformean banatzeko. Horretarako, ingurumenaren degradazioaren kaltea neurriz kanpo pairatzen dutenei erreparatuko die. ELGAk duela gutxi egin duen txostenaren datuetan eta analisian (“Desberdintasunen eta ingurumenaren arteko lotura”) oinarrituko da.
Antolatzaileak ELGA eta ACRL
Maiatzak 25
PERTSONEN BERRIKUNTZAREN HILABETEA.. TALENTUA GARATZEKO FUNTSEZKO ADIMEN EMOZIONALA
Garaia Teknologia Parkea pertsonen berrikuntza-agertoki bihurtu da berriz ere. Bertan, hainbat profesionalek, hainbat diziplinatatik, tresnak, hausnarketa eta irtenbide praktikoak proposatuko dituzte erakundeok bizi ditugun egoeretarako, pertsonen kudeaketari, talentuari, adimen emozionalari eta lidergoari dagokienez. Maiatzean, asteartero, talentuaren kudeaketari, adimen emozionalari eta pertsonen eta erakundeen eraldaketa kulturalari lotutako jardunaldiak eta tailerrak egingo dituzte, hainbat ikuspegitatik. Pertsonen berrikuntzaren hilabeteari amaiera emateko, Zuriñe Altubek “La inteligencia emocional clave en el desarrollo del talento” (Talentua garatzeko funtsezko adimen emozionala) tailerra emango du, non egungo lan-ingurunean talentua indartzearen garrantzia azalduko duen.
Antolatzailea: Garaia Teknologia Parkea
Maiatzak 26
OPAKETA: B2B DIGITAL ENERGY EUSKADI
DISRUPTIVE Espainiako Plataforma Teknologikoak, zeinak teknologia digital disruptiboenak sustatzen dituen, B2B Digital Energy EUSKADI – II. topaketa B2B PTE DISRUPTIVE topaketara gonbidatzen zaitu. Topaketan, energiaren sektorean teknologia digital disruptiboak erabiltzen dituzten Euskadiko enpresa eta erakundeak izango dira protagonista. Erakunde horiek bakarrik argitaratu ahal izango dituzte profilak, eta, gero, estatu osoko erakundeek aldebiko bilerak eskatu ahal izango dizkiete.
Antolatzailea: Disruptive Espainiako Plataforma Teknologikoa
ADMINISTRAZIO PUBLIKOETAKO KUDEAKETA AURRERATUARI BURUZKO VIII. KONGRESUA.Gasteizen.
Kongresua formatu semipresentzialean (hibridoa) egingo da aurten, “sektore publikorako abangoardiako adimenak” izenburupean. Izan ere, administrazio publikoak egoera aldakor batera egokitu behar dira, eta, horregatik, kongresua “input” garrantzitsua da erakundeak osatzen dituzten pertsonek ikasi eta garapena lortzeko. Horren adibide dira hiru konferentzia magistral eta Europa Jauregian (Gasteiz) egindako erakunde publikoen sei kasu arrakastatsu, administrazioak hobetzen eta mota guztietako erakunde eta pertsonentzat ezagutza eta hausnarketa sortzen laguntzeko. Silvia Lealekin batera, aldaketa teknologikoa nola aprobetxatu aztertuko dugu gure erakundeetan berritzeko. Horretaz aparte, Donna Pacek sormenaren mugak bisitatzen lagunduko digu, horiek nola gainditu ikasteko. Azkenik, Pilar Jericók adimen emozionalak kudeaketan duen garrantzia aztertuko du. Bere aldetik, euskal administrazioetan hainbat kasu arrakastatsu ditugu. Kasu horiek EJIEk, HAEE-ek, LANTIKek, OSAKIDETZAk, Bilboko Udalak eta Eusko Jaurlaritzaren Lurralde Plangintza, Etxebizitza eta Garraio Sailak aurkeztu dituzte.
Antolatzaileak: Q-epea, Ararteko, Durango Udala, Arabako Foru Aldundia, EJIE, Osakidetza, Eusko Jaurlaritza eta Euskalit
Ekainak 8
EACP VIRTUAL B2B – APLIKAZIO ETA TEKNOLOGIA AEROESPAZIALAK
B2B topaketa birtualek Europako herrialde eta aliatu ugari bilduko dituzte, eta industria aeronautikoaren eta espazialaren balio-kate osoko erakundeei aukera emango diete harreman baliotsuak eratzeko eta nazioarteko lankidetzaren alderdi berriak ezagutzeko, I+G+b proiektuak garatzeko xedearekin.
Antolatzaileak: Enterprise Europe Network, Spri, Eusko Jaurlaritza, Hegan eta European Aerospace Cluster
Ekainaren 8tik 10era
ADVANCED FACTORIES. Bartzelonan.
Advanced Factories industriako liderrentzako eta ETE-entzako berrikuntza-ekitaldia da. Automobilgintzaren, elikaduraren, aeronautikaren, trengintzaren, osasunaren, siderurgiaren, ehungintzaren eta energiaren sektoreko profesionalek hitzordu paregabe honetara bertaratzeko interesa agertu dute. Bertan, bazkide industrialak topatzeaz gain, lantegi aurreratuak eta produktiboak lortzeko azken berrikuntzak aurkitzeko aukera izango dute. Advanced Factoriesek Bartzelonako CCIBn aurkeztuko ditu industria-automobilgintzako, robotikako, Digital Manufacturing eta 3D Printing arloetako, Adimen Artifizialeko, Digital Twineko, Integrazio-sistemetako eta 4.0. industriarekin lortutako alderdi guztietako azken soluzioak. Hori guztia 280 enpresa erakusleren eskutik; horien artean, honako hauek nabarmentzen dira: Omron, Bosch-Rexroth, Schneider-Electric, Accenture, Beckhoff, HP, Infaimon, Telefónica, Kuka, Siemens, Weidmuller, T-Systems, Tecnalia, Logitek, Festo, Universal Robots, Wonderware, Schaeffler, Sicnova, IFM Electronic, Murrelektronik eta Eurecat Xavier Ferràs, Faouzi Grebici edo Isabella Zackzek bezalako adituek automatizazioari eta robotikari esker industriaren lehiakortasunean egon diren arrakasta-kasuen eta hobekuntza-esperientzien berri emango dute Industry 4.0 Congress delakoan.
Antolatzailea: Nebext
Ekainaren 8tik 15era
BBK Open Science Fest 2021 zientzia-jaialdia. Bertan, aukera dago zientzia irekia eta parte-hartzailea eta horrek mundu hobea eta iraunkorragoa lortzeko eragile gisa sortzen dituen aukerak ezagutzeko, partekatzeko eta gozatzeko. Kultura zientifikoko topaketa da, eta herritarren partaidetza funtsezkoa da. Jaialdia BBK Kunaren herritarren partaidetza sustatzeko ildoaren barruan dago. Halaber, edizio honetan bizitzan, herritarren zientzian, komunitateko zientzian eta gizarte-berrikuntzan oinarritzen da.
Antolatzailea: BBK Kuna
Ekainaren 15era arte
ENPRESA SUSTAPENERAKO EUROPAKO SARIEN XV. EDIZIOA
Enpresa Sustapenerako Europako Sarien (EEPA) 15. edizioa irekia dago EBko estatu kide guztietako administrazio publikoek, elkarte publiko-pribatuek eta enpresa-erakundeek parte har dezaten. EEPA 2021 sariak sei kategoriatan banatzen dira:
1.- Enpresa-espirituaren sustapena.
2.- Enpresa-prestakuntzan inbertsioa.
3.- Enpresa-ingurunearen hobekuntza eta eraldaketa digitalerako babesa.
4.- Enpresen nazioartekotzearen babesa.
5.- Trantsizio iraunkorrerako laguntza.
6.- Enpresa-ekimen arduratsua eta integratzailea.
Deitzailea: Europako Batzordea, Barne Merkatuko, Industriako, Ekintzailetzako eta ETE-etako Zuzendaritza Nagusiaren bidez.
Ekainak 15-17
FOOD 4 FUTURE WORLD SUMMIT. Bilbon.
Datozen urteetan, Bilbo izango da teknologia berrien, konponbideen eta automatizazio-sistema berrien bitartez elikaduraren eta edarien industria eraldatzeko Food 4 Future Wolrd Summit berrikuntza-ekitaldiaren egoitza. Bizkaiko hiriburuan elikadura-sektoreko balio-kate guztiko profesionalak bilduko dira, industriaren eraldaketan mugarria izango diren konponbide teknologiko berriak, berrikuntzak eta joerak aurkezteko. Kongresu handiena da Europa mailan kontsumo-joera eta -ohitura berriak ezagutzeko, baita industria efiziente eta jasangarriagoa lortzeko kasu arrakastatsuak eta teknologiaren aplikazioak ezagutzeko ere. Hori guztia 280 aditu baino gehiagoren eskutik, foro bertikalen bitartez industria-segmentu bakoitzerako: Meat Forum, Beverage Forum, Bakery, Sea Food, Dairy eta Agro.
Antolatzailea: Azti
Ekainaren 21era arte
EMAKUME TEKNOLOGOARI ADA BYRON VIII. SARIRAKO HAUTAGAITZAK AURKEZTEA
Ekainaren 21era arte aurkeztu ahal dira sari honetarako hautagaitzak, eta urrian banatuko da. Horren bidez, emakumeen artean I+G arloko bokazioak sustatzeko zientziaren eta teknologiaren arloan emakumeek egiten duten lana ikusarazten da. Bi kategoria daude: absolutua eta gazteena (35 urte baino gutxiago dituztenentzat). Zortzigarren edizio hau estatu-mailakoa da, baina beste batzuk ere egiten dira Mexikon, Argentinan, Uruguain eta Kolonbian.
Deitzailea: Deustuko Unibertsitateko Ingeniaritza Fakultatea, Microsoften, Bizkaiko Foru Aldundiaren, Danobatgroupen eta Emakunderen (Emakumearen Euskal Erakundea) laguntzarekin eta BasqueHealthCluster eta Innobasque Berrikuntzaren Euskal Agentziaren babesarekin.
Ekainak 23 eta 24
IKERKETA ETA BERRIKUNTZARI BURUZKO EUROPAKO JARDUNALDIAK
Jardunaldien hirugarren edizioak Horizon Europeren hasiera ofiziala ekarriko du berekin, Europar Batasunaren Ikerketa eta Berrikuntzako programa berria 2021-2027 aldirako. Jardunaldien gaia lankidetza da; beraz, arlo guztietako profesional adituak bilduko dira loturak ezartzeko eta etorkizun distiratsuagoa sortzeko. Konferentziek bi eguneko iraupena izango dute, eta politikariak, ikertzaileak, enpresariak eta herritarrak elkartuko dituzte, eztabaidatzeko eta Europako ikerketa eta berrikuntzaren etorkizunari forma emateko.
Antolatzailea: Europako Batzordea
Ekainak 25-27
HACK & DISRUPT!-EN 1. EDIZIOA
Nazioartean fintechean eta insurtechean oinarritutako lehenengo hackatoia da, eta, bereziki, finantza jasangarrien esparrura zuzenduta dago. Xedea da pertsona ekintzaileak eta enpresak lotzea finantzak eta aseguruak berrirudikatzeko, digitalizazioaren bidez. Horretarako, partaideek Kutxabank Segurosek, Kutxabankek, Lagun Arok, Laboral Kutxak eta Renta4-k proposatutako benetako 5 erronka gainditu beharko dituzte. Ekitaldia nazioartean egingo da, eta hibridoa izango da. Atal presentziala Bilbao Berrikuntza Faktorian egingo da. Birtuala, berriz, plataforma teknologiko batean. Bertan, streaming bidez, irekiera eta itxiera jarraituko ahalko dira, baita aurkezpenak ere. Talde irabazleek lau sari jaso ahalko dituzte: bidaia bat Suitzara, bertako fintech eta insutech ekosistemak eta sektoreko startup liderrak ezagutzeko; BBF Fintech inkubazio-programan parte hartzea; Insurtech berrikuntza irekiaren programan parte hartzea eta sarbide zuzena Suitzako F10 azeleragailuaren inkubazio-programan parte hartzeko azken elkarrizketarako. BBF Fintech finantzen eta teknologiaren inguruko negozio berrien inkubagailu bat da, Bizkaiko Foru Aldundiak, Bilboko Udalak eta Mondragon Unibertsitateak sustatzen dutena, eta Dominion partner teknologiko gisa duena.
Antolatzaileak: BME eta BBF Fintech
Uztailak 15
ELKARGI TOPAKETA: FINANTZAKETA, IRAUNKORTASUNA ETA DIGITALIZAZIOA. MUNDU BERRIRAKO GILTZAK. Donostian.
Elkargik alor handi horietako gakoak aztertuko ditu, eta horiek erabakigarriak dira eta izango dira, COVIDak eragindako krisia atzean uzteko. Arlo horretako lehen mailako pertsona ezagunek hartuko dute parte: Nadia Calviño, Espainiako Gobernuko Ekonomia Gaietarako eta Eraldaketa Digitalerako presidenteordea; Ignacio S. Galan, Iberdrolako presidente eta kontseilari ordezkaria; eta Jose Ignacio Goirigolzarri, Bankiako presidente eta CaixaBank berriko presidente izango dena. Egoera sanitarioaren bilakaeraren arabera, aurrer4ago zehaztuko dizute nola jarraitu ekitaldia.
Antolatzailea: Elkargi
Uztailaren 16ra arte
GLOBAL INNOVATION DAY 2021 EGUNAREN BERRIKUNTZA-KASU PRAKTIKOEN DEIALDIA
Aurten, Global Innovation Day delakoaren kasu arrakastatsuen deialdiak, Innobasque Berrikuntzaren Euskal Agentziak sustatuak, eraldaketa digitala, iraunkortasuna eta konpromiso soziala izango ditu ardatz. Berrikuntzaren Euskal Agentziak aldaketa-garaiei arrakastaz aurre egiteko balio izan duten sei konponbide berritzaile, negozio-eredu eta proiektu bilatzen ditu. Mota guztietako euskal erakundeei zuzenduta dago, haien izaera, tamaina edo jarduera-sektorea edozein dela ere: enpresak, ikerketa eta garapeneko eragileak, I+G+b arlokoak, elkarteak, ikastetxeak, talde zibiko-sozialak eta administrazio publikoak. Aurkeztutako kasuak azken hiru urteetan (2019-2021) abian jarritakoak izan beharko dira. Erakunde interesdunek modu labur eta errazean aurkeztu beharko dute beren praktika berritzailea inprimaki honen bidez. Hautatutako jarduera guztiak Innobasqueko Kasu Praktikoen Bankuan sartuko dira. Aukeratutako kasuek Global Innovation Day egunaren hamargarren edizioan parte hartuko dute, azaroaren 8an.
Antolatzailea: Innobasque Berrikuntzaren Euskal Agentzia
Urriak 21 eta 22
CEDEFOP ETA ELGA ERAKUNDEEN SINPOSIO BATERATUA:EKONOMIA ETA GIZARTE BERDEAGOAK LORTZEKO IKASKUNTZA
Bidaiatzeko murriztapenen ondorioz, ekitaldia formatu birtualean egingo da.
Antolatzaileak: CEDEFOP eta ELGA
