“Euskadiko Berrikuntzaren Gida” aurkeztu da bart Bilbon, Innobasqueren laguntzarekin egindako lana

“Joera berriak azkartzen eta sortzen ari dira, eta horiei aurre egiteko, berrikuntza funtsezkoa izaten ari da eta izango da. Hauek dira joera horiek: digitalizazioa, ingurumen-iraunkortasuna eta osasun arloko erronka”, adierazi zuen Manuel Salaverriak, Innobasque Berrikuntzaren Euskal Agentziaren presidenteak “Euskadiko Berrikuntzaren Gida” lanaren aurkezpenean. Estrategia Empresarial-ek landu du gida, Berrikuntzaren Euskal Agentziaren laguntzarekin, eta 2021. urteko Euskadiko berrikuntza-jardueraren panoramika egiten du lanak.