Europako Batzordearen “Emakume Berritzaileak” sarien hamargarren edizioak espainiar bat hartzen du aurtengo palmaresean, María González Manso gaztea, Tucuvi startup asistentzialaren zuzendari exekutibo eta sortzaileetako bat. Gorabidean diren berritzaileen lana aitortzen duen kategorian saritua izan da.
Tucuvik adimen artifiziala erabiltzen du paziente kronikoentzako osasun-arreta hobetzeko, laguntzaile birtual baten bidez. Laguntzaile horrek, gaixoekin telefonoz hitz eginez, informazio garrantzitsu guztia biltzen, sailkatzen eta bidaltzen die medikuei.
Harekin batera, Rana Sanyal ekintzaile turkiarra eta Julia Bialetska ukrainarra saritu dituzte. Lehenengoak “Emakume berritzaileak” kategorian jaso du saria, terapia onkologikoetarako nanomediakamentu adimendunak startup RS Research delakoaren bidez garatzeagatik; bigarrenak, berriz, plastikoa eta poliestireno-aparra ontzietan edo dekorazio-elementuetan erabat biodegradagarriak diren materialekin (kalamua, esaterako) ordezkatzean lan egiten du.
Emakume Berritzaileen Saria EB osoko eta Horizonte Europarekin elkartutako herrialdeetako ekintzaileei ematen zaie, berrikuntza disruptiboak pertsonentzat eta planetarentzat aldaketa positiboa bultzatzen ari direnean. Irabazleak aditu independenteen epaimahai batek aukeratzen ditu. Saria elkarrekin kudeatzen dute Berrikuntzaren eta Enpresa Txiki eta Ertainen Europako Kontseilurako Agentzia Exekutiboak (Eismea) eta Berrikuntza eta Teknologiaren Europako Institutuak (EIT).
Informazio gehiago: European Prize for Women Innovators: celebrating women’s outstanding contributions to innovation and entrepreneurship in Europe – European Commission (europa.eu)
