Berrikuntzako Euskal Agentziak antolaturiko “Eraldaketaren emozioa” jardunaldian aztertuko da “adimen emozionalak” eta gaitasun sozioemozionalen garapenak nola laguntzen duten eraldaketa pertsonal eta enpresariala eraldatzen, nola laguntzen diguten eraginkorragoak izaten banakoaren eta taldearen ikuspuntutik eta dinamikak nola sorrarazten dituzten, zeinetan berdintasunak eta sormenak berrikuntza-ekipoak eta lidergo partekatua sortzen laguntzen baitute.
PRENTSA DEIALDIA
-
DEITZAILEA: Innobasque, Berrikuntzako Euskal Agentzia
-
GAIA: Adimen Emozionalaren Partzuergoak “Eraldaketaren Emozioa” liburua aurkezten du, eta bertan erakusten da adimen emozionalak nola lagundu dezakeen pertsonak eta enpresak eraldatzen.
- EGUNA: Asteartea, 2011ko apirilaren 12a
- ORDUA: 12:30
- TOKIA: Multibox Aretoa. EITB. Basurtuko Kaputxinoen bidea, 2. Bilbo
- HIZLARIAK:
-
- José María Villate, Innobasqueko zuzendari nagusia
- José Antonio González, Sycom Training Systems-ko presidentea
- Olga Gómez, Innobasqueko Adimen Emozionalaren Partzuergoko dinamizatzaileak eta proiektuburua
- Leire Gartzia, Psikologiako dokorea, Berdintasun-eragilea eta liburuaren egile-kidea
- Iñaki Pérez, Ayla Searching-en zuzendaria eta liburuaren egile-kidea
- Noelia Cuadrado, Vicinay Cadenaseko gisa baliabideen arduraduna
- Leire Bilbao, Innobasqueko Enpresa Berrikuntzako zuzendari nagusia
Prentsa deialdia deskargatu (PDF, 298 Kb)
Innobasque–Berrikuntzako Euskal Agentziak antolaturiko “Eraldaketaren emozioa” jardunaldian aztertuko da “adimen emozionalak” eta gaitasun sozioemozionalen garapenak nola laguntzen duten eraldaketa pertsonal eta enpresariala eraldatzen, nola laguntzen diguten eraginkorragoak izaten banakoaren eta taldearen ikuspuntutik eta dinamikak nola sorrarazten dituzten, zeinetan berdintasunak eta sormenak berrikuntza-ekipoak eta lidergo partekatua sortzen laguntzen baitute. Azken batean, Adimen Emozionalaren Partzuergoko kideek azalduko dute adimen emozionalak nola sustatzen duen antolaeren eraldaketa eta enpresen berrikuntza, hartarako Vicinay Cadenas industria-enpresaren esperientzia duelarik.
Adimen emozionala norberaren sentimenduak eta besteenak ezagutzeko eta haiek erabiltzeko gaitasuna da. Terminoa Daniel Golemanek ezagutarazi zuen 1995ean. Haren ezaugarriak hauek dira: geure burua motibatzeko gaitasuna, ahaleginean irautekoa gerta litezkeen frustrazioak gorabehera, bulkadak kontrolatzekoa, saritzeak geroratzekoa, geure gogo-aldarteak arautzekoa, larridura gure ahalmen arrazionaletan tarteratzea saihestekoa, eta besteekin enpatizatu eta haiengan fikatzekoa.
Ekitaldian zehar aurkeztuko da “Eraldaketaren emozioa”, Adimen Emozionalaren Partzuergoak landua. Familia baten eta haren negozio txikiaren historiaren bitartez, adimen emozionalaren eta haren ezarpenaren adigaiak irudikatzen dira, nola pertsonaren mailan hala enpresarenean.
Jardunaldi hau “Innobasqueren Astearteak” ekimenaren barruan kokaturik dago, zeinek hilero deialdia egiten baitie berrikuntzaren egile nagusi direnei, dibulgazio-foro ireki batera, bertan euskal berrikuntza pertsonen, antolaeren eta komunikabideen erdigunean kokatzeko.
