Berrikuntzaren Euskal Agentziako 50 bazkide inguruk hartu dute parte Innobasque Exchangeren seigarren edizioan; Berrikuntzako Euskal Agentziaren bazkideen eta bazkideentzako ekinbidea da, berrikuntzarako lankidetzaren erronkari aurre egiten laguntzen diena.
- Innobasque sareko 8 proiektu berritzaile aurkeztu dira eta lankidetza bilatzen dute lantaldeak nahastuz eta gaitasunak eta ezagupenak uztartuz: Erle, Decoramus, The Human Network, Flumbo, DataSurfHouse, Preskriptor, GPMess eta Wimi5 dira proiektuak.
- Innobasque Exchangeren sei edizio hauetan 51 proiektu aurkeztu dira, 350 pertsonak aberastu dituztenak; horrela 53 lankidetza-ideia sortu dira, eta 21 akordio gauzatu dira.
Prentsa-oharra (PDF, 665 Kb) 1. Argazkia 2. Argazkia
Zamudio, 2014ko maiatzaren 8a. Innobasque-Berrikuntzaren Euskal Agentziako 50 bazkidek parte hartu dute gaur goizean lankidetzazko berrikuntzaren jardunaldian, Innobasque Exchangeren seigarren edizioan. Zortzi proiektu berritzaile aurkeztu dira eta lankidetzaren bila dabiltza: Erle, Decoramus, The Human Network, Flumbo, DataSurfHouse, Preskriptor, GPMess eta WiMi5. Gero, parte-hartzaileek horietan lan egin eta sakondu dute lau urrats dituen metodologia propioaren bidez: proiektuak ezagutzea, erronka zehaztea, ideiak sortzea eta partekatzea. Innobasque Exchangeren sei edizio hauetan 51 proiektu aurkeztu dira, 350 pertsonak aberastu dituztenak; 53 lankidetza-ideia sortu dira, eta 21 akordio gauzatu dira.
Honela, lantaldeak nahastu dira, gaitasunak eta ezagupenak konbinatu dira, eta lankidetza-forma berriak aztertu dira balioa sortu eta atzemateko. Innobasque Exchangek enpresei laguntzen die berrikuntzarako lankidetzaren erronka estrategikoari aurre egiten.
Jardunaldiaren hasieran, Minirobots-ek eta Lantegi Batuak-ek beren lankidetzaren emaitzak azaldu dituzte, Innobasque Exchangeren aurreko edizioetan sortuak. Moway haurrentzako hezkuntza-robotaren muntaketaz arduratzen da Lantegi Batuak, errusiar merkatuan arrakasta handia duena.
Innobasque Exchangek berrikuntza aktibatzen du, batez ere ETE eta mikroETEetan, berrikuntza egin dezaten berehalako bihurketarekin eta emaitzetara bideratuta. Ideia berriak aurkitzen laguntzen du, berrikuntzaren arriskua murrizten du guztion gaitasunez baliatuz eta lankidetzan adimen kolektiboa sustatzen du.
Zortzi erakundek beren proiektu berritzaileak aurkeztu dituzte gaur, eta lankidetza-formula ezberdinak bilatzen dituzte horientzat:
- Erle Robotics-ek lehenengo drone pertsonala aurkeztu du, esku baten tamainakoa eta kostu apalekoa, enpresa- eta hezkuntza-arloan erabiltzeko. Duela gutxi enpresa hau munduan robotikan etorkizun oparoena duten 30 start up-en artean aukeratu dute Robot Launch 2014 lehiaketan. Beste sari batzuen artean, IE Business School, Accenture eta Elevator Pitch ThyssenKrupp-en Pasion-ren bigarren edizioan finalistak izan dira.
- Decoramus-ek erakutsi du DataSurfHouse irtenbide ideala dela Surf-eko oholen bidez geolokalizazio- eta sakonera-datuak bildu eta tratatzeko. Datuak bildu eta merkaturatzeko merkatu berria ireki nahi dute aisialdira eta ikerketara bideratuta.
- InnovaUp-ek erakutsi du DataSurfHouse irtenbide ideala dela Surf-eko oholen bidez geolokalizazio- eta sakonera-datuak bildu eta tratatzeko. Datuak bildu eta merkaturatzeko merkatu berria ireki nahi dute aisialdira eta ikerketara bideratuta.
- Flumbo bizikletak aparkatzeko sistema seguru eta adimenduna da, Oion-go (Arabako) bi anaiek diseinatu eta merkaturatua. Roscales-tarrak Estatu Batuetara, Brasil eta Mexikora jauzi egiteko prestatzen ari dira.
- The Humans’ Network komunitatean pertsonek enpresak, profesionalak, erakundeak eta figura publikoak baloratzen dituzte berauen etika eta Gizarte Erantzukizun Korporatiboaren arabera. Alberto Medranoren proiektua da, Standard&Poors-en zuen lana utzi ondoren, gizarte-ekintzailetzako proiektu honetan sartu zelarik.
- Preskriptor.org Innobasque Exchange-n e-imaginarte eta komertz-en artean sorturiko lankidetzaren emaitza da; webgune bat egin dute, atxikitako enpresen zerbitzuak eta produktuak agintzeko aukera ematen duena, preskriptorearentzako komisioaren truke edo preskriptore horrek aukeraturiko irabazi asmorik gabeko gizarte-erakunde batentzako dohaintzaren truke.
- GPMESS app mugikorrak mezu geolokalizatuen bidez esperientziak jaso eta partekatzeko aukera ematen du. Espainian 2013an ATC aplikazio mugikor onenetakotzat jo zuten eta saritu ere bai SIMO Network 2012 ferian.
- WiMi 5, erraz eta aurretiazko programazio-ezagutzarik gabe, bideojokoak sortzeko plataforma da, horien publizitate- eta gamifikazio-ahalmena garatu nahi duena. Venture Contest Euskal Valley irabazi zuten eta Londresko Google Developers Summit-en parte hartu zuten.
