Innobasque, 2021eko urriaren 13a. Innobasque Berrikuntzaren Euskal Agentziak datorren azaroaren 3an ospatuko du Global Innovation Day ekimena Barakaldoko (Bizkaia) BEC! Bilbao Exhibition Centerren. Berrikuntzaren hitzordu handiak telebista-programa formatua izango du aurten eta Dani Álvarez kazetariak aurkeztuko du.
Innobasqueko presidente Manuel Salaverriak 11:30ean hasiera emango dio Global Innovation Day-ri eta Iñigo Urkullu Renteria Lehendakariak13:00etan itxiko du; une horretan bertan inauguratuko du Euskadiko Zientziaren, Teknologiaren eta Berrikuntzaren XXI. Astea.
Innobasquek udaberrian ireki zuen deialdian berrikuntzako ehun kasu praktiko baino gehiago aurkeztu ziren, eta ekitaldian horien lagin adierazgarri bat ezagutzera emango da. 6 berrikuntza-kasu praktiko, Lurrera oso urrutitik hurbilduko direnak, mugitzeko modu berriak erakutsiko dituzte, Cola-Colako uraren datuak, ekonomia zirkularraren datuak pisuzko sektore batean, nola eraiki zubiak elikagaiekin edo ikusten dituzten sukaldeko gainaldeek.
Europan sortzen ari diren berrikuntza-joerak eta I+G eta berrikuntza sustatzeko tresna berriak aztertuko ditu mahai-inguru batek. Elkarrizketa horretan honako hauek parte hartuko dute: Bea Mahieu Technopoliseko bazkidea, Iván Martén Orkestra Lehiakortasunerako Euskal Institutuko presidentea, Iñaki Garmendia Ega Masterreko Industria zuzendaria; Pello Rodríguez, Danobatgroupeko zuzendari nagusia eta Leire Bilbao Innobasque Berrikuntzaren Euskal Agentziako zuzendari nagusia.
Azaroaren 3an, Global Innovation Day ekimena lehendakaria buru duen Zientzia, Teknologia eta Berrikuntzaren Kontseiluan ikusgarri egongo da; izan ere, Kontseiluak Euskadik bikaintasun zientifikoarekin, lidergo teknologikoarekin eta berrikuntzarekin duen konpromisoa ordezkatzen du.
Berrikuntzako 100 kasu praktiko jaso dira
Aurkeztutako ehun kasuek, zeinek Euskadin berrikuntza martxan dagoela islatzen duten, Euskadiren hiru trantsizioei erantzuten diete: digitala, iraunkorra eta soziala. Innobasqueren deialdi honetara aurkezteko, ekimenak azken hiru urteetan (2019-2021) martxan jarri eta txertatu behar izan dira eta baieztatu ahal diren emaitza kualitatiboak eta kuantitatiboak egiaztatu behar dira. Horrez gain, beste erakunde batzuetan aplikagarriak izan behar dira, lehiakortasuna hobetzeko. 70 kasu baino gehiago Innobasqueren kasu praktikoen bankuan sartuko dira.
Jasotako proposamenen artean, honako hauek aurkitu ahal dira: digitalizaziora jauzi egin duten saltoki txiki tradizionalak, abereen online enkanteak, sektore industrialeko droneak, baliabide tradizionalen ia erdia kontsumitzen duten ontzi medikoak, sukaldea 4.0 eta garapen informatikoak.
Proposamenak hainbat motatako erakundeetatik jaso dira: teknologia-zentroak, tamaina eta sektore guztietako enpresak, elkarteak, fundazioak eta titulartasun publikoko erakundeak.
Global Innovation Day ekimenean azaroaren 3an aurkeztuko diren sei kasuek Innobasqueren laguntza zuzena jasoko dute interes estrategikoko gaietan eta beste ETE batzuk sentsibilizatzeko eta berritzera animatzeko publikoki zabalduko dira.
