Arrasate, Portugalete, Barakaldo, Santurtzi, Getxo, Erandio, Eibar, Donostia dira, ordena horretan, krisiaren ondorio negatiboak gutxien igarri dituzten edo ahultasun txikieneko Estatuko 8 udalerriak. Inbertitzeko ahalegina eta produkzio-aniztasun handia izan dira Euskadik krisiaren aurrean izan duen erresistentzia honen faktore nagusiak. Hori ondorioztatzen da Consejo Superior de Investigaciones Científicas (CSIC)-eko ikertzaile talde batek, Ricardo Méndez-ek zuzenduta, egin duen Krisiaren Atlasa lanetik: egungo krisi ekonomikoak eta austeritate-politikek eragindako aldaketak aztertu dituzte, arreta berezia jarrita lurraldeen arabera izan duen intentsitate ezberdinari. Txostenak ekonomian eta gizartean izandako aldaketa esanguratsuenak nabarmendu ditu, lurraldearen ikuspegitik.
El País egunkariak joan den asteburuan bere orrialdeetan aletu ditu euskal sendotasun honen zergatikoak beste eskualde batzuen aurrean, eta industria indartsua, I+G eta gizarte-babeseko politika aktiboak eta Zientzia, Teknologia eta Berrikuntzako Euskal Sare indartsua aipatzen zituen.
Krisiaren Atlasa bat dator bere ondorioetan Indizea-Berrikuntzaren Euskal Indizeak erakutsitako emaitzekin; honek Euskadin berrikuntzan egindako enpresa-inbertsioak eta horiek produktibitatearen hobekuntzan izandako eragina neurtzen ditu, eta erakutsi du, berrikuntzan egindako inbertsioari esker, Euskadik bere produktibitatearen hazkunde negatiboak saihestu dituela ekonomiaren krisialdian.
1.jpg)
Atlasak ziurtatu du higiezinen eta finantzen krisiak, lehenik, Mediterraneoko kostaldeari eta Espainiako uharteei eragin ziela, eraikuntzan eta kontsumoko zerbitzuetan espezializatuta zeudelako. Eremu hauek dira gaur egun ahultasun-indize handienak dituztenak, 2007aren hasieratik 2013ra gertaturikoa aztertu duen azterketa honen arabera, horretarako ekonomia, gizarte, demografia eta higiezinen arloko adierazle askotan oinarritu delarik. Txostenak gora egiten ari den lurralde-antolaketa berria deskribatzen du.
