Innobasquek proposatzen duen berrikuntza-agenda Berrikuntzaren Euskal Agentziako erakunde bazkideen sareko ekitaldiez, jardunaldiez, sariez eta deialdiez hornitzen da, eta berrikuntzaren mugarri edo gertaera nagusiak erakusten ditu.
Martxoaren 10era arte
EIT FOOD ACCELERATOR NETWORK (FAN)
EIT Food Accelerator Network (FAN) azeleragailuaren hirugarren edizioa. Eskaerak egiteko epea martxoaren 10era arte luzatuko da, eta eskaerak webgune honetara bidali behar dira. Nekazaritzako elikagaien sektorearen egungo arazoei irtenbideak proposatuko dizkieten enpresak bilatzen dira elikagaien balio-kate osoan zehar: nekazaritza adimenduna, kontsumoa eta osasuna, ontziratze-irtenbide jasangarriak, elikagaiak alferrik galtzea saihesteko berrikuntzak, elikagaien segurtasuna areagotuz edo elikagaien industrian banaketa-sistema eraginkorrago bat sortzen lagunduz.
Deitzailea: EIT FOOD
Martxoaren 11n
ADIMEN ARTIFIZIALA: APLIKAZIOAK, JOERAK ETA ETORKIZUNEKO ERRONKAK
Adimen artifizialak ematen dituen aukera profesionalei, erronka tradizionalei eta adimen artifizialeko joera berriei buruzko jardunaldia.
Antolatzaileak: Merkataritza Ganbera eta ESIC
Martxoaren 13an
BIZKAIA BBK PROGRAMA
Bizkaiko unibertsitate-tituludun gazteak lehentasunezko sektoreetan (Big Data, Energia, Aeronautika, Finantza Hub, Automobilgintza eta Zilar Ekonomian) trebatzeko ekimena, munduko erreferentzia-zentroetan. Horregatik, unibertsitateen eta enpresen ebaluazioa gainditzen duten 35 urtez behekoek beren aldetik finantza-laguntza lortuko dute. Bi erakundeek Bizkaia BBK Programako graduondokoen kostuaren % 100 finantzatzen dute, bai eta helmugako herrialdean bizitzearen kostua ere, graduondoko prestakuntza-aldi osoan. Bizkaia BBK programari atxikitako Bizkaiko enpresek gutxienez 2 urteko lan-kontratua sinatuko dute Bizkaia BBK Programak onartzen dituen pertsonekin.
Deitzaileak: Bizkaiko Foru Aldundia eta BBK Fundazioa
I+G JARDUERETAN ATZERRIKO ENPRESEN INBERTSIO-PROGRAMA. 2020
Atzerriko kapitala duten eta Espainian ezarri nahi duten enpresetan, edota dagoeneko ezarrita dauden eta I+G jarduerak hasi eta garatu nahi dituzten enpresetan, ikerketa eta garapena sustatzeko jarduerak egitea, Espainiako ekonomiaren lehiakortasuna eta produktibitatea hobetzen laguntzeko.
Deitzailea: Industria Ministerioa
Martxoaren 15era arte
Ideia onak dituzten pertsonei zuzendutako programa da, urrats bat harago joan eta nekazaritzako elikagaien sektorea hobetzen lagunduko duen zerbait sortu nahi dutenei zuzendua. SeedBed enpresen inkubagailuan eskaerak egiteko epea martxoaren 15era arte egongo da irekita. Sei hilabetez, hautatutako enpresa sortu berriek prestakuntza jasoko dute bezeroen beharrak hobeto ulertzeko eta beren negozio-ideiak baliozkotzeko, 10.000 eurorainoko finantzaketarekin eta beste 20.000 euro eskuratzeko aukerarekin.
Deitzailea: EIT FOOD
Martxoaren 16ra arte
ALDAKETA KLIMATIKOA MOTELTZEKO ETA EGOKITZEKO IKERKETA ETA BERRIKUNTZAKO PROIEKTUETARAKO BEKAK. GIPUZKOA 2020
Aldaketa klimatikoa moteltzeko eta egokitzeko ikerketa eta berrikuntzako proiektuetarako bekak, azpieremu hauetako batean eragiten duten proiektuei emango zaizkie:
a) Berotegi efektuko gasen emisioa mugatzea deialdi honetako beste ildo batzuetan aintzat hartu ez diren eremuetan. Karbono hustulekuen analisia eta indartzea.
b) Arrisku analisia eta ahultasun azterketak Gipuzkoako inguruaren eta lurraldearen osagaien aldaketa klimatikoaren aurrean: kostaldeak, ibaiak, hiriguneak, natura sistemak eta nekazaritza sistemak.
c) Aldaketa klimatikoaren eraginak Gipuzkoako ekonomiaren eta alor ekonomikoen gainean: nekazaritza, basogintza, turismoa, administrazioa, osasuna, eta abar.
d) Erresilientziaren egokitze eta hobekuntza aukerak aldaketa klimatikoaren aurrean.
Deitzailea: Gipuzkoako Foru Aldundia
Martxoaren 17ra arte
MANUNET 2020 DEIALDI BERRIA
Fabrikazio aurreratuko proiektuak dituzten euskal enpresek fabrikazioaren arloko nazioarteko ikerketa-proiektuetan parte har dezakete, Eusko Jaurlaritzak finantzatuta, Manunet-en bidez. Alemania, Asturias (ES), Gaztela eta Leon (ES), Espainia Euskadi (ES), Gelderland (ND), Irlanda, Israel, Luxenburgo, Nafarroa (ES), Norvegia, Overijssel (ND), Errumania, Errusia, Turkia eta Valonia (BE) dira 2020ko Deialdi honetan parte hartzen duten herrialdeak/eskualdeak.
Deitzailea: Manunet
Martxoaren 24an
ATZERATUTA. ZAINTZATIK PROSPEKTIBARA 2. ZIKLOA: BATZ ETA AZTERLAN. Igorren (Bizkaia).
Innobasque-Berrikuntzaren Euskal Agentziak industria-enpresa handi bat (Batz) eta zentro teknologiko bat (Azterlan) elkartuko ditu, eta zaintza nola egiten duten azalduko dute saioan, horrela, egoerei aurrea hartu eta erabaki hobeak hartzeko.
Antolatzailea: Innobasque
Martxoaren 25ean
ZIBERSEGURTASUNA INDUSTRIA 4.0-N. Bilbon
Basque Cybersecurity Center-ek bi hitzaldi emango ditu: “Pertsonak, zibersegurtasunaren katemailarik ahulena” eta “Zibersegurtasuna enpresan”. Ondoren, erakustaldi praktiko bat egongo da ingurune simulatu industrialetan.
Antolatzaileak: CIFP Elorrieta Erreka Mari, Basque Cybersecurity Center, Innobasque eta Eusko Jaurlaritza
Martxoaren 26an
EZEZTATUTA. SINERGIAK. Bilbon.
Ekitaldi dinamizatua da, ikusarazi eta hedatzeko proiektuak eta ekintzak pentsatzeko lan-saioa, enpresariekin batera lankidetzan. Enpresa propioa duen eta beste emakumezko enpresari batzuekin lankidetza-zubiak ezarri nahi dituen emakume orori zuzenduta dago. Sormenezko metodologia bidez gauzatu da, eta aurrerapausoa ematea eta enpresen eta horien sustatzaileen benetako beharrizanei erantzuteko lankidetza-haziak ereitea du xede. Miren Lauzirikak (Art for Life! eta Emakumeekin) dinamizatuko du.
Bizkaiko Foru Aldundiko Ekonomia Sustatzeko Sailak antolatuta, Bilbao Metropoli-30ek koordinatuta, eta AED eta Emakumeekin-en lankidetza du.
Martxoaren 27ra arte
GIZARTE ETA LAN ARLOKO BERRIKUNTZA-PROIEKTUAK GARATZEKO DIRULAGUNTZAK. BIZKAIA 2020.
Programa Operatiboaren helburua partaidetza lan-merkatuan hobetzea da; horren barruan hauek sartzen dira: autoenpleguaren sustapena, enpleguaren kalitatea hobetzea eta pertsonarik ahulenen lan-inklusioa sustatzea.
Bizkaiko irabazi asmo bako elkarte, fundazio eta erakundeentzat.
Deitzailea: Bizkaiko Foru Aldundia
Martxoaren 28ra arte
VII. ADA BYRON SARIA
Deustuko Unibertsitateko Ingeniaritza Fakultateak Ada Byron sariaren VII. ediziorako deialdia egin du, arlo zientifiko eta teknologikoan emakumeek egiten duten lana ikusarazteko, arlo horietan emakumeen bokazioak sustatzeko eta teknologiak gizartearen hazkunderako eta etorkizunerako duen garrantzia nabarmentzeko. Sariak bi kategoria ditu 2019tik: absolutua (3.000 eurokoa) eta gaztea, 35 urtez azpikoentzat (1.000 eurokoa). Hautagai bakoitzak bere burua aurkez dezake, edo beste edozein pertsonak edo erakundek aurkez dezake. Deialdia martxoaren 27ko 17:00ak arte egongo da zabalik, eta eskabideak bide elektronikoz baino ez dira aurkeztuko. Saria maiatzaren 7an emango da, Deustuko Unibertsitateko Ingeniaritza Fakultatean egingo diren ForoTech 2020 jardunaldien barruan.
Deitzailea: Deustuko Unibertsitatea.
Martxoaren 30era arte
DOKTORETZA ONDOKO LANPOSTUEN DEIALDIA
Gorputz askotako arazo kuantikoen matematikan doktoratu ondoko beka.
Deitzailea: BCAM
EZAGUTZA TRANSFERITZEKO UNITATEAREN DEIALDIA
BCAMeko Ezagutzaren Transferentziako Unitatearen (KTU) esparruan, KTU bekaren helburua BCAM eta industriaren artean ezagutza zientifikoa eta esperientzia transferitzea da, Bizkaiko industria-sektorearekin eta ETEekin lankidetza-ikerketa eraikitzeko interes bereziarekin. Espero da hautagai arrakastatsua proiektu industrialen buru izatea, horrela, ezagutza eta teknologia matematikoen transferentziaren bidez, enpresaren negozioen lehiakortasuna eta produktibitatea hobetzeko, eta emaitza zientifikoak ere lortzeko (argitalpenak, industria-maisutzako tesiak edo doktorego-tesiak gainbegiratzea).
Deitzailea: BCAM
Martxoaren 30era arte
ETORKIZUNA ERAIKIZ – GIPUZKOALAB, PROIEKTU BERRITZAILEEI LAGUNTZAK. 2020
Dirulaguntzen helburua da, Etorkizuna Eraikiz GipuzkoaLab programaren barruan, jarduera ildo hauek finantzatzea: herritarren proiektuak. Proiektu horiek ezinbestean jarduera-eremu hauetakoren batean sartuta egon behar dute: gobernantza publiko kooperatiboko eredu berriekin loturiko proiektuak; Lurraldeko garapen komunitarioko proiektuak eta gure natura- eta landa-ingurunea ezagutzera eta balioestera zuzendutakoak; gazteen parte-hartzera bideratutako proiektuak; belaunaldien arteko lankidetza-proiektuak; euskara bultzatzeko eta hedatzeko proiektuak; eta migrazioaren erronkari erantzuna emango dioten proiektuak.
Deitzailea: Gipuzkoako Foru Aldundia
Martxoaren 31ra arte
STEAM EUSKADI SARIETARA HAUTAGAITZAK AURKEZTEA
Sariek STEAM Hezkuntzak Euskadin dituen jardunbide egokienak hartuko dituzte aintzat, beraien berrikuntza-maila, emaitzak eta eragina balioetsiz. Ikasleen gaitasun zientifikoa eta/edo teknologikoa hobetuko duen ekimenen bat garatzen ari den edozein erakundek har dezake parte; hala nola, ikastetxeek, unibertsitateek, hezkuntza ez-formaleko erakundeek, ikerketa-zentroek, enpresek eta abarrek. Lau kategoria daude, eta horietako bakoitzak 3.000 euroko saria du: STEAM Hezkuntza Ekimen berritzaileena, unibertsitatez kanpoko ikastetxe batek sustatua; STEAM Hezkuntza Ekimen berritzaileena, gainerako erakundeek sustatua; genero-ikuspegidun STEAM Hezkuntza Ekimena, unibertsitatez kanpoko ikastetxe batek sustatua; eta genero-ikuspegidun STEAM Hezkuntza Ekimena, gainerako erakundeek sustatua. Epaimahai aditu batek erabakiko ditu Euskadi STEAM Sariak datorren ekainean.
Deitzailea: Eusko Jaurlaritzako Hezkuntza Saila, Innobasqueren laguntzaz
EKONOMIA ZIRKULARREKO PROZESUAK SUSTATZEKO LAGUNTZA-PROGRAMA. TOLOSALDEA 2019
Tolosaldearako laguntzak dira, kopuru mugatukoak, ekonomia zirkularra sustatzen duten proiektuak gauzatzeko, eta eskualdeko enpresek edo erakundeek ekonomia zirkularraren printzipioak inplementatzeko behar dituzten zerbitzu teknologikoen kostuaren zati bat finantzatuko dute. Horretarako, zenbateko mugatuko laguntzak emango dira. Erauzi, fabrikatu, kontsumitu eta botatzeko eredu ekonomiko linealak zirkularragoa den beste batera eboluzionatu behar du, materialak eta energia berrerabiliz eta birziklatuz. Ekonomia zirkularrean hainbat arlo sartzen dira eta aipaturiko ekintza-ildoekin bat datozen ekintzak sustatu nahi dira.
Deitzailea: Gipuzkoako Foru Aldundia
BERRIKUNTZA HOBETZEKO LAGUNTZAK (ÁLAVA INNOVA) 2020
ETEek, zentro teknologikoek, unibertsitate-zentroek, fundazioek eta enpresa-elkarteek enpresan berrikuntza eta lehiakortasuna hobetzeko proiektuak eta/edo ekintzak egin ditzaten bultzatzeko eta sustatzeko laguntzak. Arabako ETE, autonomo edo teknologia-zentro eta/edo ikerketa-zentroentzat.
Deitzailea: Arabako Foru Aldundia
‘JOSE IGNACIO ARRIETA’ ENPRESA ETA GIZARTE SARIA.
Deialdia irekita sari honetarako hautagaiak aurkezteko; helburua da euskal enpresen, enpresa-elkarteen eta enpresa-munduari lotutako pertsonen Gizarte-Erantzukizuneko jarduera aipagarriak aitortzea, baita horiek euskal gizartearen garapen sozial eta ekonomikoari eta ongizate, hezkuntza eta kulturari egiten dioten ekarpena ere.
Antolatzailea: Estrategia Empresarial
Horizon(te) 2020 programa europarrak finantzatutako ekimena, Europako ETEek garatutako negozio-eredu berritzaileen bideragarritasun-azterketak (Viability Assessment Projects, VAP) finantzatu nahi dituena, kanpoko merkatuetan haien garapena eta lehiakortasuna bultzatzeko.
Deitzailea: Europako Batzordea
Apirilaren 1ean
ATZERATUTA. ENPRESA-NETWORKING 2020-BASQUE INDUSTRY 4.0. Bilbon
EAEko industrietako produkzio-prozesuetan EIKTak (Elektronikaren, Informazioaren eta Komunikazioaren Teknologiak) bultzatzeari buruzko jardunaldia. Ekitaldiak, Euskadi 2020 Agenda Digitalaren esparruan, industria-errealitate berri horretan ardaztuta sektore anitzeko topaketa izan nahi du. Jardunaldiak Eusko Jaurlaritzaren 4.0 industriaren estrategia bultzatzen nahi du. Estrategia horretan fabrikazio aurreratua eta espezializazio adimenduna indartzea sartzen da, RIS3 deiturikoa. Ekimen hori Europar Batasunak abiarazi du, eskualde bakoitza gaitasun handiena duen sektoreetan espezializa dadin. Euskadin, fabrikazio aurreratuaren, energiaren eta biozientzien aldeko apustua da.
Antolatzailea: SPRI taldea
Apirilaren 1era arte
NAZIOARTEKOTZEAN ENPRESA-LANKIDETZARAKO LAGUNTZAK – ARABA INTERKOOP 2020
Laguntza ematea Arabako enpresa txiki eta ertainen nazioartekotze-prozesuetan lankidetza sustatzeko proiektu eta/edo ekintzak egiteko, bai eta Arabako enpresek lankidetzan jardun dezaten ere, kanpora batera irten daitezen.
Deitzailea: Arabako Foru Aldundia
NAZIOARTEKOTZE PROGRAMA. PRODUKTU BERRIAK MERKATURATZEA. GIPUZKOA 2020
Programaren helburua da Gipuzkoako enpresek produktu berriak nazioartean merkaturatzeko ekintzak sustatzea.
Deitzailea: Gipuzkoako Foru Aldundia
NAZIOARTEKOTZE PROGRAMA. EZARPEN PRODUKTIBO ETA KOMERTZIALAK. GIPUZKOA 2020
Gipuzkoako enpresen nazioartekotzea sustatzea, atzerrian ezarpen produktiboak sustatuz eta bultzatuz, baita produktu berriak nazioartean merkaturatuz ere.
Deitzailea: Gipuzkoako Foru Aldundia
Apirilaren 15era arte
ENPRESA-LIDERGORAKO ESTATU-PROGRAMA. ENPRESA-BERRIKUNTZAKO EKIMEN ESTRATEGIKO SEKTORIALETARAKO LAGUNTZAK. ZIENTZIA ETA BERRIKUNTZAKO MISIOEN PROGRAMA
Ekimen estrategiko handiak, I+G arloan intentsiboak eta lankidetza publiko-pribatuan garatuak, Espainiako ekonomiarentzat kritikoak diren ekoizpen-sektoreen desafioak identifikatu eta konpontzeko joera eta erronka zientifiko-tekniko berrienak barne hartzen dituztenak, babestea.
Deitzailea: Zientzia eta Berrikuntza Ministerioa
Apirilaren 23ra arte
EKINTZAILETZA ETA GIZARTE-BERRIKUNTZA. GIZARTE-PROIEKTU BERRITZAILEAK GARATZEA. BIZKAIA 2020
Enpresa edo gizarte-erakunde berritzaileen proiektu berriak martxan jartzeko laguntzak.
Lehendik dauden gizarte-entitateentzat, baldin eta gizarte-proiektu berritzaile bat garatzea eta abiaraztea sustatzen badute; baita gizarte-enpresa edo -entitate berritzaile berrientzat ere, baldin eta 2018ko urtarrilaren 1ean edo egun horren ondoren eratu badira.
Deitzailea: Bizkaiko Foru Aldundia
EKINTZAILETZA ETA GIZARTE-BERRIKUNTZA. ENPRESA-PROIEKTU SOZIAL BERRITZAILEAK IDENTIFIKATU ETA BALIDATZEA. BIZKAIA 2020Dagoeneko finkatuta dauden eta Bizkaiko enpresa edo gizarte-erakunde berritzaileei zuzenduta dauden enpresa-proiektu sozial berritzaileak hazteko eta eskalatzeko diru-laguntzak, Ekonomia-Jardueren gaineko Zergan alta emandako lehen data 2015eko urtarrilaren 1a edo geroagokoa dutenak eta negozioak hazteko itxaropenak dituztenak. Bizkaiko gizarte-erakundeentzat ere bai, baldin eta enpresa-proiektu sozial berritzaile bat badute, lehenago Ekintzailetza eta Gizarte Berrikuntzako Programan diruz lagundua, eta horrek gizarte-negozioaren ildo berritzaile berri bat ekarri badu eta negozio-ildo berri hori hazteko itxaropenak baditu.
Deitzailea: Bizkaiko Foru Aldundia
Maiatzaren 24tik ekainaren 19ra
PATENTE-ESPEZIALIZAZIOKO IKASTAROA ENPRESAREN EREMUAN. Bilbon
Patenteen arloan enpresan kultura bat sortzea da Mondragon Unibertsitateak eta Bilboko Merkataritza Ganberak antolatutako ikastaro honen hamargarren edizioaren helburua; ikastaroak Eusko Jaurlaritzako Ekonomiaren Garapen eta Azpiegitura Sailaren, SPRI taldearen, Enterprise Europe Network-en eta Innobasque-Berrikuntzaren Euskal Agentziaren laguntza du. Prestakuntzak 8 saio ditu, 48 ordu bereziki praktikoak, enpresa-esparruan industria-jabetzari eta jabetza intelektualari buruzko gidalerroak eta irizpideak finkatzeko balio dutenak, eta partikularki, patenteei dagokienez, horien estrategia, kudeaketa eta errentagarritasuna bezalako alderdiak nabarmenduz. Aurten beste hizlari bat gehitu da, Hendrik Promies, Siemens AGn Jabetza Intelektualean aditu nagusia, patenteen Europako zuzenbidean espezializatua.
Antolatzaileak: Mondragon Unibertsitatea eta Bilboko Merkataritza Ganbera
Apirilaren 25etik ekainaren 14ra
MACHINE LEARNING IKASTAROA. Madrilen
Ikaskuntza Automatikoaren (Machine Learning) esparruko sarrera-ikastaroa. Adimen artifizialaren adarra da, eta duela gutxi komunikabideetan arreta handia jasotzen ari da, eguneroko bizitzan erabiltzen ari diren aplikazio askoren eskuragarritasunagatik, batzuetan horretaz jabetu gabe. Besteak beste, Concha Bielza eta Pedro Larrañaga katedradunek emango dute ikastaroa.
Antolatzailea: Madrilgo Unibertsitate Politeknikoa
Apirilaren 30era eta maiatzaren 8ra arte
Kultura eta Sormen Industrien alorreko enpresentzako programa. Egitasmoaren helburua, proiektu berrientzako aukera-eremuak sortu eta garatzea da, ondorengo bi jarduera-ardatzetan: berrikuntza teknologikoa, antolamendu-ereduaren eta enpresa-egituraren berrikuntza.
Deitzailea: Eusko Jaurlaritzako Kultura Saila
Maiatzaren 15era arte
Euskadin kokatuta dauden edo instalazio produktiboa duten enpresetan eta Zientzia, Teknologia eta Berrikuntzaren Euskal Sareko eragileetan industria-doktoregoak egiteko laguntzak, bai eta enpresek doktore-titulua duten ikertzaileak hartzeko ere, lanbide-karreren hasieratik laneratzen lagunduz eta euskal produkzio-sarearen lehiakortasuna areagotuz, bertan talentua txertatuz.
Deitzailea: Eusko Jaurlaritzako Ekonomia Garapen eta Azpiegituretako Saila
Maiatzaren 25etik 29ra
ATZERATUTA. AZAROAREN 23TIK 27RA EGINGO DA. MAKINA-ERREMINTAREN BIURTEKOA 2020. BECen
Europako azokarik garrantzitsuenetako bat makina-erremintaren eremuan, edizio bakoitzean punta-puntako teknologien erakusleiho eta sektore osoarentzat topagune bihurtzen dena.
Antolatzaileak: Bilbao Exhibition Centre eta AFM (Advanced Manufacturing Technologies)
Doako Teknologia Aholkularitza Zerbitzua da eraldaketa digitalerako, enpresa-lehiakortasunaren hobekuntzan lagunduko duten teknologien (EIKT soluziobideen) ezarpen praktiko, pertsonalizatu eta neurrirakoen ezarpenarekin. Pertsona autonomo, ekintzaile edo 10 langile baino gutxiagoko euskal mikroETEei zuzendua dago.
Deitzailea: SPRI taldea
Bizkaiko ekintzaileentzat, soil-soilik beren enpresa-proiektua garatzen jardun dezaten. BBK Ekin enpresa-proiektuei laguntzeko programa da, beren enpresa Bizkaian martxan jartzeko eta honela Bizkaiko ekonomiaren garapena sustatzeko konpromisoa duten ekintzaileentzat. Hautaturiko proiektuek ekintzaileentzako laguntza-programa sendoaz baliatuko dira, eta 2 urtez hileroko diru-kopuru bat jasoko dute beraien ardura bakarra proiektua garatzea eta enpresa abian jartzea izan dadin.
Deitzailea: BBK
Ekainaren 1era arte
ENPLEGU-ESKAINTZA: ZUZENDARI ZIENTIFIKOA. ENERGIA ELEKTROKIMIKOA METATZEA
ENERGIA ELEKTROKIMIKOA METATZE-eremuan (EES, ingelesezko siglen arabera) zuzendari zientifiko posturako hautagai-zerrendak jasotzeko epea ireki da; zuzendari hori energia elektrokimikoa metatzeko baterietarako eta gailuetarako abangoardiako teknologiak garatzeaz arduratuko da. CIC energiGUNE energia metatzeko ikerketa-zentroa da, metatze elektrokimiko eta termikoa ardatz dituena, eta egoitza Euskadin duena. Bere eginkizuna nazioarteko panoraman funtsezko eginkizun bat betetzea da, energia metatzeko teknologien sektorean, eta horrela Euskadiko industria-lehiakortasunari laguntzea. CIC energiGUNEk puntako ikerketa instalazioak ditu, ekipamendu aurreratuenak, esperientzia handiko zuzendaritza-taldea eta baita zientzialari, enpresaburu eta aditu industrial nabarmenek osatutako batzorde zientifiko bat ere. CIC energiGUNE Europako bost ikerketa-zentro garrantzitsuenen artean dago jorratzen dituen ikerketa-arlo gehienetan.
Deitzailea: CIC EnergiGUNE
Urriaren 15-16an
WFCP WOLD CONGRESS CONGRESS 2020. Donostian
WFCP 2020 kongresuak mundu osoko 800 parte-hartzaile baino gehiagori egingo die ongietorria, eta gaikuntzari eta enpleguari buruzko nazioarteko adituen eta profesional liderren hitzaldiak izango dira, baita Europako Batzordeko ordezkarienak ere. Munduko Ikastegi eta Politeknikoen Federazioa (WFCP) ikastegi eta ikastegi-elkarteen nazioarteko sare bat da, abangoardiako hezkuntza-estrategiak partekatzen dituena, baita jardunbide hobeen institutuaren lidergoa ere, mundu osoan lan-indarraren hezkuntza areagotzeko. Kongresuak munduan garrantzia duten funtsezko hizlariak, ikerketa garaikidea, abangoardiako jardunbideen erakustaldiak eta bikaintasunean oinarritutako eztabaida interesgarriak aurkeztuko ditu, baita beste ordezkari batzuekin harremanak ezartzeko aukerak ere.
Antolatzaileak: TKNIKA eta WFCP eta Erresuma Batuko Association of Colleges
Urriaren 27-28an
INDUSTRIAL TECHNOLOGIES 2020. Mainz-en, Alemanian
Teknologia industrialek funtsezko zeregina dute Europako industrian. Europar Batasunaren lehiakortasunerako funtsezko oinarriak ematen dituzte, ekonomiaren sektore guztiak eratzen dituzte eta gizarte-erronkak konpontzen eta etorkizun iraunkorra izaten laguntzen dute. IndTech2020-k plataforma bat eskaintzen die ikerketa-erakunde, industria eta politiken formulazioan interesaturiko alderdiei, etorkizuneko joerak, erronka teknologikoak eta Europako etorkizuneko industria- eta ikerketa-politika taxutzeko eta indartzeko beharrezkoak diren urrats gehigarriak eztabaidatzeko funtsezko teknologia bideratzaileen esparruan, hala nola nanoteknologiak, material aurreratuak, bioteknologia eta fabrikazio aurreratua, ekonomia iraunkor eta berderantz trantsizio sozialki bidezko baten gogoetak eginez.
Antolatzaileak: Alemaniako Hezkuntza eta Ikerketa Ministerio Federala (BMBF); Projektträger Jülich (PtJ) proiektuen kudeaketa; Europako Batzordea (EU-COM); Enterprise Europe Network (EEN) Renania-Palatinatua – Sarre eta DECHEMA e.V. Ingeniaritza Kimikoaren eta Bioteknologiaren Alemaniako Elkartea; Karlsruhe (PTKA) proiektuen kudeaketa eta VDI Technologiezentrum GmbH (VDI-TZ).
Azaroaren 18-19an
BASQUE INDUSTRY 4.0: THE MEETING POINT. BECen (Barakaldo, Bizkaia)
Ekitaldi multidiziplinarra, non uztartzen diren estrategia, iritziak, teknologia, esperientziak eta tailerrak, baita harremanak sustatu ere, horrek gai egiten duelarik edozein sektoretako enpresentzat. Interesgarria da unibertsitate, teknologia-zentro, aholkularitza eta ingeniaritzako enpresentzat, herri-administrazio eta industria-eremura orientaturiko zerbitzu-enpresentzat, eta, azken batean, laugarren industria-iraultzari dagozkion alderdiak lehen eskutik ezagutu nahi dituzten pertsona guztientzat. Basque Industry 4.0 produkzio-bitarteko eta -sistemetan adimena sartzearen aldeko apustua da, baita produktu eta prozesu berrietan sortzen ari diren gaitasunak eta teknologiak aprobetxatzearen, material aurreratuak balio erantsi handiagoko soluzioetan edo hobetutako prozesuetan sartzearen, erabilitako baliabideen efizientzia eta iraunkortasunaren eta balio erantsi handiko zerbitzuen integrazioaren aldekoa ere.
Antolatzaileak: Eusko Jaurlaritzako Ekonomia Garapen Saila eta SPRI Taldea
Azaroaren 27ra arte
H2020 PROGRAMAREN EUROPAKO IKERKETAKO TRAKZIO-PROIEKTUENTZAKO LAGUNTZAK. 2020KO DEIALDIA
Horizon(te) 2020 Programaren bigarren faseko deialdietara Europako Ikerketako Trakzio Proiektuak aurkezteko laguntzak; proiektuen buru Zientzia, Teknologia eta Berrikuntzaren Euskal Sareko agente edo eragileek izan behar dute, eta laguntzak Sare horretan integraturiko eragile zientifiko-teknologikoentzat dira.
Deitzailea: Eusko Jaurlaritzako Ekonomia Garapen eta Azpiegituretako Saila
