Euskadik, Innobasqueren eskutik, ekoizpen aurreraturako garatutako berrikuntza-politiken eraginkortasuna hobetzea helburu duen eta miloi bat euroko aurrekontua duen Europar Batzordearen proiektua gidatuko du. Horretarako, partzuergoa sortu da Eusko Jaurlaritzarekin eta Gales (Erresuma Batua), Piamonte (Italia), edo Orkestra, Lehiakortasunerako Euskal Institutuak lanean diharduen Lituaniako eskualdeekin batera.
4 urte (2017-2020) iraungo duen proiektuak Interreg Manumix Europe, partzuergoko eskualdeetako ekoizpen aurreraturako Europako I+G+b politiken eta programen ebaluaketa bateratua gauzatzeko mekanismoak garatuko ditu. Europar Batzordeak, hainbat gobernu europarrek eta ELGA bezalako erakundeek, politika horien eraginkortasuna ebaluaketa bateratuaren bidez hobetu behar dela azpimarratzen dute.
Gaur egun, industriaren garrantzia BPGren % 15ekoa da Europar Batasunean eta helburua 2020rako % 20ra heltzea da. Euskadin, industriak BPGren % 20,13 hartzen du, baina Eusko Jaurlaritzak 2020rako euskal industriak % 25 hartzea proposatzen du. Ekoizpen aurreratua, Euskadi 2020 Zientzia, Teknologia eta Berrikuntza planean espezializazio adimendunaren euskal estrategiarako identifikatutako Euskadiren hiru lehentasun estrategikoetako bat da.
Interreg Manumix Europe Orkestrak gauzatuko duen aipatutako lau eskualde europarretako ekoizpen aurreratuaren hasierako analisiarekin hasiko da. Hortik aurrera, proiektuak bi fase izango ditu. Lehenean (bi urtekoa), hainbat eragilek oraingo politikak eta haien ebaluaketa landuko dituzte eta, bigarren fasean (2019 eta 2020), ekintza planak ezartzen hasiko dira.
Horrela, nahastutako eragileetako ordezkariak –eskualdeko gobernuak eta horien berrikuntza-agentziak- aldian-aldian elkartuko dira lanerako. Lehen kongresua Bilbon egingo da maiatzaren 17an, 18an eta 19an eta bertan, erakundeetako 80 ordezkari baino gehiago eta Lituaniako, Galeseko, Piamonteko eta Euskadiko adituak proiekturako politiken oinarriak ezartzen hasiko dira.
