Gure berrikuntza-agenda Innobasque Berrikuntzaren Euskal Agentzia osatzen duten erakunde bazkideen sarerako ekitaldi, jardunaldi, sari eta laguntza-deialdiekin elikatzen da, eta berrikuntzaren mugarri nagusiak erakusten ditu.
Apirila eta ekaina bitartean
IKASTARO EXEKUTIBOA: “INDUSTRIA ADIMENDUNA: TEKNOLOGIAN OINARRITUTAKO ERABAKIAK HARTZEA”
Prestakuntzaren helburua da euskal enpresetako profesionalei, gerentzia-profiletan eta bitarteko postuetan, kualifikazio praktiko eta dinamikoa ematea, beren erakundeetan eraldaketa digitala bultzatzen laguntzeko tresnak eskaintzeko. Abangoardiako teknologien ezagutzari eta lehiakortasuna bultzatzeko datuen azterketari helduko zaio, eta arreta jarriko da erabakiak hartzean, lidergoan, kudeaketa eraginkorrean, baliabideen mobilizazioan eta estrategian.
Ikastaroaren irakaskuntza honako hauen esku egongo da: Euskal Herriko Unibertsitateko Informatika Fakultatea, IMH Fabrikazio Aurreratuko eta Digitaleko Campusa, Deustuko Unibertsitateko Ingeniaritza Fakultatea, Mondragon Unibertsitateko Goi Eskola Politeknikoa eta Nafarroako Unibertsitateko Tecnun Ingeniaritza Eskola. Halaber, Ikastaro Exekutiboan hainbat euskal erakundetako adituek eta BRTA Aliantza Teknologikoko zentroek parte hartuko dute, kasu praktikoak eta arrakastatsuak aurkezteko.
Ikastaro exekutiboan izena emateko epea 2024ko apirilaren 9an amaituko da. Informazio guztia eskuragarri dago 4guneko Prestakuntza atalean.
Antolatzailea: 4GUNE eta BRTA
Maiatzaren 24tik uztailaren 31ra
THINK BIG 2024: ENPRESA IDEIEN LEHIAKETA
Maiatzaren 24ra arte zabalik egongo da epea Zitek-ek EHUko unibertsitarioen artean ekintzailetza-gogoa sustatzeko antolatzen duen Think Big sarian izena emateko.
Negozio-ideia duten eta Bizkaiko Campuseko edozein fakultate edo eskolatan matrikulatuta dauden ikasleek izango dute aukera.
Behin epea itxita, epaimahai batek ebaluatuko ditu aurkeztutako proiektuak. Hautatzen direnak ekainaren 30a baino lehen defendatu beharko dituzte beren taldeek.
3 000 €, 2.000 € eta 1.000 €-ko (3. eta 4.) lau sari ekonomikoez gain, beren ideia enpresa bihurtzea erabakitzen badute, talde irabazleek prestakuntza, finantzaketa bilatzeko aholkularitza eta Zitek Programaren mintegietako batean lan egiteko gune bat eskuratuko dituzte.
Antolatzailea: Zitek
Ekainaren 20ra arte
GLADYS SARIEN IV. EDIZIORAKO HAUTAGAITZA
Arreferente bilakatu da euskal ingurune digitalean lan egiten duten emakume gazteen aitortzan. Izan ere, neska gazteak ibilbide teknologikoari ekitera animatzea du helburu, horrela euskal erreferente berriak sortuz. Hautagaitza irabazleak, gainera, 4.000 euroko diru-saria jasotzen du.
Aurkeztu hemen zure hautagaitza.
Antolatazaileak: PUNTUEUSek eta UPV/EHUko Informatika Fakultateak
Ekainaren 21era arte
Sarietan parte har dezakete kategoria hauetako batean zimendatutako oinarri teknologikoko proiektuek: mugikortasun elektrikoa, mugikortasun konektatua, mugikortasun autonomoa, mugikortasun partekatua eta elkar lotutako azpiegiturak.
Sarien helburua da, besteak beste, mugikortasun adimendun eta jasangarriaren euskal ekosistema garatzen lagunduko duten ekimen berritzaile eta interesgarriak bultzatzea eta erakartzea. Horretarako, saridunei MUBIL Hub gunean garapen teknologikorako leku bat eskainiko diete. Irabazleak urriaren 24an egingo den ekitaldi batean iragarriko dira.
Izena eman nahi baduzu, hemen egin dezakezu.
Antolatzailea: MUBIL
Ekainak 26
FORO GREEN ENCOUNTER 2024 Europa Biltzar Jauregia, Vitoria-Gasteizen
Hiri jasangarriagoak, eraginkorragoak, gizakiarragoak… Sektore publiko eta pribatuko adituek Smart City bat izateko planteatutako erronkak azalduko dituzte.
Antolatzailea: Diario Noticias de Álava
Ekainak 27
Topaketan, ekimenetan parte hartzen duten 25 startup baino gehiagok garatutako berrikuntza irekiko 30 proiektu baino gehiago aurkeztuko ditu, sektoreko enpresa lider handiekin, ETEekin eta sozietate publikoekin lankidetzan.
BIND Demo Day ekitaldiak urtero 500 parte-hartzaileak biltzen ditu: besteak beste, startup disruptiboak, enpresa handiak, ertainak eta txikiak, inbertitzaileak, sozietate publikoak eta industria eta berrikuntza adituak. Horregatik, aukera ezin hobea da industrian eta gizarte publikoetan ezartzen ari diren azken soluzio teknologikoak bertatik bertara ezagutzeko eta berrikuntzaren eragile nagusiekin konektatzeko.
Izena eman nahi baduzu, hemen egin dezakezu.
Antolatzailea: SPRI Taldea
ETORKIZUNA NEGOZIOA JADA: IoT ENPRESAN Campus Zamudio/Derio – Parque Tecnológico de Euskadi
Internet of Things dagoeneko erabiltzen ari gara hainbat esparrutan. Logistikatik automoziora, azpiegituretatik kiroletara, bioteknologiatik energiara, datu bilketarako, zein urruneko kontrolerako, murgilduta gaude jada Teknologia honetan, maila personal zein profesinalean.
Izena eman nahi baduzu, hemen egin dezakezu
Antolatzailea: Parque Tecnológico de Euskadi
Uztailaren 15era arte
BERRIKUNTZA KASU PRAKTIKOEN DEIALDIA 2024
Zure erakundeak azken hiru urteetan Adimen Artifizial Sortzailea (IA) edo Adimen Artifizial Sortzailea (IAG) berritu badu, Global Innovation Dayren hurrengo edizioan parte hartzeko hautagaitza aurkez dezakezu.
Aurtengo deialdian, BAICekin batera, Adimen Artifizialeko Euskal Zentroa eta BCAM, Matematika Aplikatuen Euskal Zentroa, honako berrikuntza-kasu praktiko hauek bilatzen ditugu:
- 2021az geroztik Euskadiko edozein erakundetan inplementatuak izatea eta emaitza onak izatea.
- Erakutsi Adimen Artifiziala (IA) edo Adimen Artifizial Sortzailea (IAG) erakundeen hainbat esparrutan aplikatzen ari direla berrikuntzak garatzeko.
Oinarriak betetzen dituzten hautagai guztiak Innobasqueren Kasu Praktikoen Bankuan sartuko dira.
Kasurik adierazgarrienak Global Innovation Day 2024an aurkeztuko dira.
Antolatzailea: Innobasque Berrikuntzaren Euskal Agentziak
Urriak 9-10
SARE ELEKTRIKOEN NAZIOARTEKO XVIII. JARDUNALDIAK Bilbao Exhibition Centre (BEC)
Hainbat herrialde eta esparrutako aditu eta profesionalek sektore elektrikoko teknikaren egoerari eta sektorean emandako aurrerapausoei buruz ideiak trukatzeko eta eztabaidatzeko aukera izan dezaten topaketa-foro bat sustatzea da jardunaldi hauen helburua, sektorearen garapena globalki zein Europari gagozkiola eraginpean hartu dezaketen alderdi geopolitiko eta estrategikoei arreta berezia emanez.
18. edizio honetan “Ekonomiaren elektrifikazioari eta sareen digitalizazioari buruzko joera globalak eta perspektibak” izango da aztertuko den gaia.
Izena eman nahi baduzu, hemen egin dezakezu.
Antolatzailea: Energiaren Euskal Erakundea, Tecnalia eta Orkestra Basque Institute of Competitiveness Deusto Foundation
Urriak 23-24
UHINAKen VI. EDIZIOA, KLIMA ALDAKETA ETA ITSASERTZEARI BURUZKO MUGAZ GAINDIKO KONGRESUA. Ficoba, Irun.
Uhinak mugaz gaindiko kongresua da, klima-aldaketak eta muturreko fenomenoek arku atlantikoko itsasertzean duten eraginari buruzkoa.
Antolatzaileak: Ficoba eta AZTI
