eTranslation Europako Batzordeak garatu eta erabiltzen duen itzulpen automatikoko plataforma da, eta orain Europako enpresa txiki eta ertain (ETE) guztiek erabil dezakete, erabat doan. Azken belaunaldiko on line itzulpen-zerbitzu berritzailea da, adimen artifizialean oinarritua. eTranslationek 27 hizkuntzatan ─EBko 24 ofizialak, islandiera, norvegiera eta errusiera─ itzultzen ditu testuak eta dokumentuak hainbat formatutan, hala nola Word, Excel, pdf, ppt eta abar.
Plataforma 2017tik erabiltzen dute EBko erakundeek eta administrazio publiko nazionalek; beraz, datuen konfidentzialtasuna eta segurtasuna bermatuta dago. Europako Batzordeak Europar Batasuneko ETEen esku jarri du orain, eta 2020. urtearen amaierara arte erabili ahal izango dute.
Plataforma erabiltzen hasteko, ETEek izena eman behar dute esteka honetan beren izenarekin eta posta elektronikoarekin .
