Topaketa Euskadiko Artxibo Historikoan (Bilbo) egingo da 17:00etatik 19:00etara, 19:00etatik 20:00etara koktel batekin, eta kultur eta sormen industrietako profesionalen artean networking-a sustatzea du helburu.
Euskadiko Kultura eta Sormen Barrutiak datorren ostegunean, azaroak 4, egingo du jabetza intelektualeko eskubideen kudeaketari buruzko BDCC ostegunetako bigarren saioa. Hizlarien artean, Audens-eko Maitane Valdecantos eta ULU Mediako Rafa Gorrotxategi, Cristina Tapia eta Xabier Etxeberria egongo dira.
Batzuetan, jabetza intelektuala ezezaguna da KSIen enpresen artean, batez ere mikro enpresen eta enpresa txikien artean. Ezjakintasun horren ondorioz, profesional eta enpresa askok ez dute aprobetxatzen beren jabetza industrial eta intelektualaren balioa sortzeko aukera. Saioaren helburua gai honi buruzko pedagogia egitea da, inguruan dauden mitoak argitzeko eta desmuntatzeko.
KSIen azpisektore bakoitzaren berezitasunak barneratzea ezinezkoa izango litzatekeenez, gaian aditua den Maitane Valdecantosek hausnarketa zeharkakoagoa bilatuko du, jabetza intelektualaren eskubideen kudeaketa zer den azaltzeko. Era berean, KSIetako enpresak eta jabetza intelektualeko eskubideen kudeaketa ezagutzera emango dira, ULU Media kasu, Rafa Gorrotxategi, Cristina Tapia eta Xabier Etxeberriarekin solasaldi mahai batean.
Topaketa azaroaren 4an izango da, 17:00etatik 20:00etara, Euskadiko Artxibo Historikoan (Maria Diaz de Haro kalea 3, Bilbo), aurrez aurre; horretarako, beharrezkoa da bertaratze-inprimaki bat betetzea; edo streaming bidez, esteka honen bidez.
