“Kalitatezko hezkuntza inklusiboa eta ekitatiboa bermatzea, eta ikaskuntza iraunkorreko aukerak sustatzea guztiontzat”. Hau Nazio Batuen Garapen Iraunkorreko 17 Helburuetako (ODS) bat da, Garapen Iraunkorreko Agenda 2030 osatzen dutenetakoa.
Eskola inklusiboa funtsezko gai bat da STEAM Hezkuntza beren lehentasunetako bat bihurtu duten herrialdeentzat ere. Adibidez, Erresuma Batuak “guztientzako STEM hezkuntzan munduan lider gisa” definitzen du National Stem Centre. AEBek, beren STEM plan estrategiko federalean, eskuarki gutxiegi ordezkatuta dauden ikasle taldeen artean STEM gradudunen kopurua hobetzea daukate helburuen artean. Aldi berean, Teach for America eta Teach First, Teach For All nazioarteko sareko erakundeak AEBetan eta Erresuma Batuan hurrenez hurren, STEM gaietan unibertsitate-gradudunak bilatzen ari dira, beraien programan sartu eta premia handiko eskoletan irakasteko prest daudenak.
Euskadin ere bai
ExE Fundazioa (Hasi Hezten) eta 12 nubes hezkuntza-inklusiorako hurbileko bi esperientzia dira, gizarte-arlotik datozenak, baina elementu bereizgarri batekin: biek bultzatzen eta azaleratzen dute nerabe babesgabeen erresilientzia gaitasuna. ExE-k talentudun gradudunak prestatzen ditu, eskola arazotsuetan hezitzaile gisa jarduteko; 12 hodei-k, bestalde, arazoak dituzten gazteak proiektu inklusiboetan sartzen ditu, konponbidearen iturri bihurtuz honela.
ExE Fundazioa Teach For All nazioarteko sarekoa da, eta hurrengo ikasturtean sartuko da Euskadin. Bere metodoa talenturik onenaren bilaketan oinarritzen da beharrik handiena duenarentzat. Unibertsitateko gradudun eta gazte profesionalentzat 2 urteko programa eskaintzen du, eta horrela hezkuntza-lidergoan prestakuntza hartzen dute, eta ingurune babesgabeko ikastetxeetan egonaldiak egiten dituzte. Lortu nahi duen eragina da parte-hartzaileek hezitzaile gisa jardutea eta ikasleei laguntzea beren bizitzak garapen oso eta betera zuzentzen, eta parte-hartzaileak bihur daitezela hezkuntza-ekitatearekin konprometituriko aldaketaren eragile. Datuek erakusten dute arrakasta izaten ari direla maila globalean. Espainian, ExE gazteak hartzen dituzten ikastetxeen %100ek errepikatu nahi du, eta bere alumnus-etako batzuek hezkuntza-ekintzailetzako proiektuekin jarraitu dute. Adibidez, Quim Sabriá da Edpuzzle-ren sortzailea, eta plataforma honek beren ikasgaiak bideo bihurtzea ahalbidetzen die irakasleei. ExE-ko parte-hartzaile zela jarri zuen martxan. Gaur egun plataformak 400.000 bideo ditu eta milioi bat ikaslerengan eragiten du.
12 nubes hezkuntza-proiektu komunitarioa da, eta bertan Gasteizko Pilar auzoko gazteek hartzen dute parte, inguruko ikastetxeetako irakasle eta ikasleek, eta Arabako hiriburuko enpresa eta gizarte-erakundeek. Sareak erabiltzen dituzte tresna nagusi gisa. Ekinbideak gazteen hausnarketa eta parte-hartzea sustatzen du beraien inguruko bizitzari loturiko gaietan. Neska-mutil horiek eurek aukeratu zituzten Nubes de tiza liburuan agertzen diren 12 gaiak; liburua proiektu honen inspiratzailea den J. Manuel Septien irakasleak idatzia da. Blogaren bidez, gai tematikoetako bakoitza hainbat ikuspegitatik lantzen da: jarduerak ikasgelan, arte-sorkuntzaren bidez eta hausnarketa eta laguntzako bideoekin. 2. hodeian, adibidez, arrazakeria jorratzen da, eta adituen eta ikasleen hausnarketak agertzen dira gaiaz; halaber, bi rap abesti daude, bertako musikariek eginak, eta ikus-entzunezko materialak ikasgelan lan egiteko.
