Innobasquek proposatzen duen berrikuntza-agenda Berrikuntzaren Euskal Agentziako erakunde bazkideen sareko ekitaldiez, jardunaldiez, sariez eta deialdiez hornitzen da, eta berrikuntzaren mugarri edo gertaera nagusiak erakusten ditu.
Gauzatu Industria programak bere kudeaketa aldatu du, programen deialdiak baino lehen abiarazitako inbertsioek ere aukera izan dezaten laguntzak jasotzeko. Inbertsioak hasi aurretik, aurre-eskaeraren aurkezpenak aukera ematen du, diruz lagun daitekeen inbertsio gisa, aurre-eskaeraren aurkezpenaren eta eskaera formalaren artean egiten direnak sartu ahal izateko, programaren deialdia argitaratu ondoren.
Deitzaileak: Eusko Jaurlaritza eta Spri taldea
Maiatzaren 6-7an
INTERGUNE 2019. Bilbao Exhibition Center-en (BEC)
Enpresek eta nazioartekotzearen etorkizuneko profesionalek beren hitzordua dute Intergune+2019-n. Euskadin nazioartekotzearen bultzada errealitate bat da eta euskal enpresaren edo enpresen erronkei erantzungo zaie Intergune+2019-n. Euskadik nazioartekotzeko eskaintzen dituen laguntzak, zerbitzuak, soluziobide publiko eta pribatuak ezagutaraziko dira.
Antolatzailea: Spri taldea
Maiatzaren 7an
INSPIRA STEAM BUKATZEKO SAIOA. Artium-en. Gasteiz
Alaitz Landaluze, Innobasqueko Politika zuzendariak, parte hartuko du Inspira STEAMen aurtengo edizioaren itxieran maiatzaren 7an. Berarekin batera Arabako Foru Aldundiko ordezkariak, Unibertsitateko Ingeniaritza Fakultatekoak, BBK-koak, emakume mentoreak, ekimen honetan parte hartzen duten ikastetxeak eta neska-mutikoak izango dira.
Antolatzailea: Deustuko Unibertsitatea
Maiatzaren 8an
ANDREkintzailea infomazio-saioaBEAZen, Bilbo
Emakumezko enpresaburuentzako programa, emakumeek zuzenduriko enpresak sendotzen laguntzeko helburua duena. Bilbao Metropoli-30ek koordinatua, bere garapenean Bizkaiko Emakumezko Enpresari eta Zuzendarien Elkartearen (AED) eta EmakumeEkin Elkartearen laguntza du. ANDREkintzailea 2019ko maiatzetik 2020ko martxora garatuko da, eta modu esperientzialean lidergo, estrategia digital, merkataritza-, ekonomia- eta finantza-kudeaketa eta sormenari buruz behar egiten da.
Halaber, networkingerako guneak ere baditu eta coaching eta mentoring saioak ematen ditu.
Antolatzailea: Bizkaiko Foru Aldundiko Ekonomia eta Lurralde Garapen Saila
Maiatzaren 8tik 10era
AERONAUTIKA SEKTOREAN SHM TEKNOLOGIEI BURUZKO NAZIOARTEKO BILTZARRA Gasteizen
Biltzarraren helburu nagusia da uhin ultrasonikoak erabiliz kalteen ikuskapen ez-suntsigarrian garaturiko azken aurrerapenen abangoardian egotea, mantentze-lanen kostua murrizteko eta segurtasuna areagotzeko merkataritza-hegazkinetan. Hizlariak Europan lider diren erakundeetakoak izango dira, aeronautika-industriaren barruan, egiturazko bizi edo osasuna monitorizatzeko teknologian (SHM-Structural Health Monitoring). Ekitaldia aukera ona da hegazkinen etorkizuneko belaunaldien joeren kontzeptu berriak ezagutzeko uhin ultrasonikoetan oinarrituriko SHM erabiliz. Teknologia hau da etorkizun handiena eta egokiena duena hegazkin barruan hegazkinaren osagaien egiturazko bizia monitorizatzeko denbora errealean.
Antolatzaileak: Aernnova Engineering, Nottinghameko Unibertsitatearekin (UK) eta Araba 4.0 lantaldearekin lankidetzan.
Maiatzaren 9ra arte
GIZARTEAREN ERRONKETARA ORIENTATURIKO IKERKETA, GARAPEN ETA BERRIKUNTZARAKO PROGRAMAREN LAGUNTZAK, ZIENTZIA ETA TEKNIKA IKERKETAKO ETA BERRIKUNTZAKO ESTATU-PLANAREN BARRUKOAK 2017-2020
Europa eta nazioarteko dimentsioko elkarlaneko ikerketa-proiektuak finantzatzeko jarduketa. Baterako nazioarteko deialdietara jo duten elkarlaneko proiektuen Espainiako zatia finantzatu nahi da, arlo tematiko espezifikoetan, gizartearen erronkei aurre egiteko nazioarteko lankidetzaren balio erantsia frogatzen badute. Gastu hauek ordaintzeko izango dira laguntzak: langileak, ekipamendu txikia, materialak eta proiektuaren helburuekin erlazionaturiko beste gastu batzuk.
Deitzailea: Espainiako Gobernuaren Zientzia, Berrikuntza eta Unibertsitateen Ministerioa
Eskualdeko estrategiak, gaitasunak eta dinamikak lankidetzan sustatzeko programa, horiek lurralde, gizarte, ekonomia eta ingurumen kohesio handiago bat eratzen lagundu dezaten, sustapen sozio-ekonomikoaren bidez.
Deitzailea: Gipuzkoako Foru Aldundia
Maiatzaren 14ra arte
ARGAZKI-LEHIAKETA: ARBEL MATEMATIKOAK
Bere hamargarren urteurrena dela eta, Basque Center for Applied Mathematics-ek (BCAM) argazki-lehiaketa antolatu du arbel matematiko baten argazkirik originalena bilatzeko. Lehiaketan parte hartuko dute 2019ko martxoaren 14 eta maiatzaren 14 artean Twitterren argitaraturiko irudiek hashtag honekin ##BCAM10years eta hau aipatuz @@BCAMBilbao. Ekainaren 10ean emango da ezagutzera argazki irabazlea.
Antolatzailea: BCAM
Maiatzaren 15etik 17ra
FOROTECH, Deustuko Unibertsitatean. Bilbo
Unibertsitatearen, enpresaren eta ikasleen arteko topaketa-foroa, ingeniaritza eta teknologia herritarrengana hurbildu gura duena, baita ikerketa eta garapen teknologikorako bokazioak sustatu ere, bereziki emakumeen artean.
Antolatzailea: Deustuko Unibertsitateko Ingeniaritza Fakultatea
Maiatzaren 20ra arte
Deialdi honetan sarturiko jardueren laguntza eta sustapena funtsezkoak dira IKT enpresen lehiakortasuna sendotzeko I+G jardueren bidez Teknologia Gaitzaile Digitalen (TGD-THD) multzoan; izan ere, eragin eta disrupzio-gaitasun handikoak dira, ekonomiaren eta gizartearen garapen eta eraldaketa digitalerako estrategikoak; honela errazten da Espainiako IKT enpresak egoera hobean baliatu ahal izatea eraldaketa digitaleko prozesuek dituzten aukera edo abaguneez, ekoizpen- eta gizarte-sektore guztietan gertatzen ari direlarik.
Deitzailea: Espainiako Gobernuaren Zientzia, Berrikuntza eta Unibertsitateen Ministerioa
Maiatzaren 21era arte
2019rako proposamena ETEen premia edo beharrizanetara hurbiltzen da; erakundeen gogoeta-gai diren alderdi berriak jorratuko ditu eta, formakuntzaren bidez, erantzun egokiak emateko tresnak eta baliabideak erakutsiko ditu. Prestakuntza doako programa da, estrategia, bezero, pertsona, gizarte, berrikuntza eta emaitzei buruzko 16 gai proposatzen dituena.
Antolatzaileak: SPRI Taldea eta Euskalit
BIKAINTEK 2019: DOKTOREGO INDUSTRIALAK EGITEKO ETA IKERTZAILEAK HARTZEKO LAGUNTZAK
Jarduketa hauetarako laguntzak deitzen dira: doktore-titulua duten pertsonen kontrataziorako, entitate onuradunek garatuko dituzten I+G proiektuetan lan egin dezaten; baita industria-doktoregaiak prestatzeko ere, prestakuntzan dauden ikertzaileen lan-kostuak batera finantzatuz, 2020ko ZTBParen espezializazioko arloen barruan industria-ikerketako proiektu batean parte har dezaten, zeina haien doktorego-tesiaren esparrua izango baita.
Antolatzailea: Eusko Jaurlaritzako Ekonomia Garapen eta Azpiegituretako Saila
Maiatzaren 31ra arte
Designscapes Horizon(te) 2020 proiektu europarretako bat da, hiri-diseinua ahalbidetzen duten berrikuntzen onarpen eta hobekuntza sustatzea bilatzen duena. Proiektua enpresaburu, diseinatzaile edo pertsona sortzaileen diseinu-ideiak eta proiektuak aurkitzen eta laguntzen saiatzen da, horiekin hiriko bizitza hobetu ahal izateko. Designscapes hiru txandatan eratu edo taxutzen da: egingarritasun-azterketak, prototipoak eta eskalabilitate-probak. Txandak pixkanaka garatzen dira. Bigarrena jada martxan da eta hautagai berriak nahiz aurreko txandetan jada aurkezturikoak aurkez daitezke. Txanda honetan produktu, zerbitzu, prozesu edo beste soluziobide berritzaile baten prototipoa sortuko da, ingelesez, hiri-inguruneetan berrikuntza sustatuko duena. Txanda honetako irabazleek 25.000 eurorainoko laguntza jaso dezakete finantza-laguntza gisa.
Ekainaren 5ean
INNOBASQUEREN BATZAR NAGUSIA Getxoko (Bizkaia) Olatua Gurutzontzien Terminalean
Innobasquek Batzar Nagusia egingo du bere erakunde bazkideentzat bakarrik izango den ekitaldiarekin.
Antolatzailea: Innobasque, Berrikuntzaren euskal agentzia
Ekainaren 4tik 6ra
+ INDUSTRY. Bilbao Exhibition Center-en (BEC)
1.400 enpresa hornitzailek baino gehiagok soluziobiderik onenak eskainiko dituzte ondorengo sektoreetako prozesu eta hornikuntzetan: aeronautika, automobilgintza, ekipo-ondasunak, eraikuntza metalikoak, energia & utilities, trenbideak, ingeniaritzak, makina-tresna, ontzigintza, petrokimikoa, siderurgia, garraio & azpiegiturak, uren tratamendua eta hondakinak, baita banaketa-kanal guztiak ere: industria-hornikuntzako biltegiak, burdineria-kooperatibak, erosketa-taldeak, besteak beste.
Ekainaren 5 eta 6an
WORKINN. Bilbao Exhibition Center-en (BEC)
Industria-enpleguko foroa, batez ere sektoreko profesionalarentzat da, jardunean baina lanez aldatzeko asmoz dagoenarentzat, edo langabezian eta lanean hasi nahian dagoenarentzat. Ekintzailetza-ekimenak eta enpresa-sorkuntzak ere Foroaren edukiaren parte dira, eta sektore eta jarduera osagarri gisa planteatuko dira.
Antolatzailea: BEC
Ekainaren 7ra arte
KSEI ESPAÑA – HEGO KOREA DEIALDIA
2019. urterako deialdi bateratua, energiaren eta erlazionaturiko teknologien eremuan proposamenak aurkezteko. Espainiako eta Koreako enpresa-erakundeen baterako proiektu teknologikoak sustatu, lagundu eta finantzatzera konprometitzen dira CDTI-E.P.E. eta KETEP, enpresa-erakundeak ez direnen laguntza izan dezaketelarik Espainian, azpikontratatu gisa edo autofinantzaketa bidez. Programaren helburua da Espainiako eta Koreako erakundeen artean enpresen lankidetza teknologikoa sustatzea teknologia-garapeneko eta teknologia-transferentziako proiektuetan energiarekin zerikusia duten arlo hauetan: energia-eraginkortasuna, energia berriztagarriak, sorkuntza eta banaketa (Smart Grids).
Deitzaileak: Espainiako Zientzia, Berrikuntza eta Unibertsitate Ministerioko CDTI-E.P.E. eta Hego Koreako KETEP (Korea Institute of Energy Technology Evaluation and Planning)
Ekainaren 18ra arte
Deialdi honen bidez, makro, mikro eta nano eskalan ekai edo materialen teknologian eta ingeniaritzan nazioarteko I+G+b proiektuetan parte hartzeko aukera dute euskal enpresek. Deialdi honek, Eusko Jaurlaritzaren funtsen bidez, ondorengo gai-arloetan garaturiko proiektuak finantzatuko ditu: ingeniaritzarako modelaketa eta ekaien prozesaketa, gainazal berritzaileak, estaldurak eta interfazeak, errendimendu handiko compositeak, ekai funtzionalak, osasunerako aplikazioetan oinarrituriko teknologietan estrategia berriak eta fabrikazio aditiborako ekai edo materialak.
Ekainaren 19an
ETE, startup eta inbertitzaileen arteko hitzordua da: Berrikuntza Irekiaren klabean lankidetza-aukerak aztertzeko elkartu nahi dute, baita enpresetan intraekintzailetza sustatzeko ere. Helburu nagusia zubiak eraikitzea da mundu hauen artean, ez beti ondo konektatuak, dauden ETEetan berrikuntza eta dibertsifikatzea eta startup-etan hazkundea eta garapena errazteko. CITA|Emprendek inspirazio eta lanerako testuingurua errazten du ETE/startup konexioak estimulatzeko eta ezinbesteko beste eragile erabakigarri batzuekin harremanetan jartzeko, adibidez inbertitzaileekin eta ekintzailetza, berrikuntza eta eragiketa korporatiboen profesionalekin.
Antolatzaileak: Adegi eta Diario Vasco
BIND 4.0 OPEN SESSIONS. Tabakaleran. Donostia
Networking jardunaldia, euskal ETEen harremana sustatzeko BIND 4.0-n parte hartzen duten startup-ekin eta berauen konponbide berritzaileekin; horretarako eraldaketa digitaleko proiektuen garapena erraztuko da, berrikuntza irekiko plataforma ahaltsu honen esparruan. Euskal enpresa txiki eta ertainak, startup-ak eta berauen soluziobideak ezagutzeko eta horien arduradunekin elkar eraginean jarduteko interesa dutenak, izango dira bertan. Cita Emprende-ren esparruan egingo da.
Antolatzailea: Spri taldea
Urriaren 31ra arte
ZABALDU 2019 LAGUNTZA-PROGRAMA
Programaren helburua da nazioartekotu gabe dauden enpresei atzerrian duten presentzia handitzen laguntzea eta garapen sostengarria sustatzea nazioartekotze-prozesu osoan. Euskadin kokaturik dauden edo ekoizpen-instalazioak hemen dituzten mikroenpresak eta enpresa txiki eta ertainak balia daitezke laguntza hauetaz.
Deitzailea: Spri taldea
Azaroaren 20-21a
Basque Industry 4.0-The Meeting Point eta Basque Cibersecurity Day. BECen (Barakaldo, Bizkaia)
Industria 4.0-ren eta Zibersegurtasunaren erreferentziazko ekitaldiak Euskadin batu egingo dira aurten eta azaroaren 20an eta 21ean izango dira BECn. Honela, Basque Industry 4.0-k eta Basque Cibersecurity Day-k beren helburuak berrituko dituzte protagonismo handiagoa emanez erakusketa-guneari kontuan izanda euskal industrian duten presentzia esanguratsua, eta Euskadi Europan erreferente gisa finkatzeko helburua mantentzen dute berehalako etorkizunerako funtsezkoak diren bi gaitan: Zibersegurtasunean eta Industria 4.0 delakoan.
Antolatzailea: Eusko Jaurlaritza
Azaroaren 29ra arte
INNOCÁMARAS PROGRAMA: BERRIKUNTZARI LAGUNTZEA ETE-ETAN
Innocámaras Programak, Eskualde Garapenerako Europako Funtsak eta Bizkaiko Foru Aldundiaren Ekonomia eta Lurralde Garapenerako Sailak finantzatuta, ETEen lehiakortasuna hobetzen laguntzea du helburu, horretarako berrikuntza etengabearen aldeko kultura hartuz ekonomiaren hazkunde iraunkorra lortzeko. Eskaerak aurkezteko epea 2019ko azaroaren 29an amaituko da edo aurrekontua agortu arte.
Antolatzaileak: Bilboko Merkataritza Ganbera, CCE, Bizkaiko Foru Aldundiko Ekonomia eta Lurralde Garapenerako Saila, eta FEDER
ZIENTZIA, TEKNOLOGIA ETA BERRIKUNTZAREN EUSKAL SAREKO (ZTBESa) ERAGILEEN ARTEAN EGONALDIAK EGITEKO IKERTZAILEEN MUGIKORTASUNERAKO LAGUNTZAK
Deialdi honen bidez, unibertsitateko ikertzaileen mugikortasuna eta UPV/EHUn sorturiko ikerketa-emaitzen komunikazio zientifikoa finantzatu nahi dira, beste jarduera batzuen artean.
Deitzailea: UPV/EHU
